رئيس مجلس الإدارة
طارق لطفى
رئيس التحرير
أحمد سليمان
فى الذكرى الثانية لرحيلها..
أخر كلمات دلال عبد العزيز : محستش إني كبرت غير لما أمي ماتت
تحل اليوم الاثنين الذكرى الثانية لرحيل الفنانه الراحلة دلال عبد العزيز ، التى رحلت عن عالمنا يوم 7 أغسطس عام ٢٠٢١, مع صراع مع فيروس كورونا.
تحدثت الفنانة دلال عبد العزيز خلال حياتها عن الموت، وذلك خلال استضافتها ببرنامج "معكم منى الشاذلي" عبر قناة "cbc"، في عام2018.
وقالت عبد العزيز، في أثناء استضافتها مع الإعلامية منى الشاذلي، : "والدتي علمتني من وأنا صغيرة إن العزاء واجب، كانت تقولي طنشي لو في فرح مش مهم أوي لو مشغولة، لكن العزاء لأ، لدرجة إن سمير غانم مسميني عزا عبد العزيز".
وأضافت وقتها : "أنا لما بقرأ عن حادثة أو حد فقد ابنه أو بنته؛ ببقى عايزة أروح أعزي وأنا معرفوش، وبناتي اتعلموا مني، هي دي الأصول، أنا اتربيت في الزقازيق إن التليفزيون يتقفل لو حد مات حتى لو مش قريبنا".
وتابعت : "كان زمان الموت قليل عن كده، دلوقتي الموت بقى كتير أوي، كنا فين وفين لما بنسمع إن حد مات، وأنا دايما بتحضرني مقولة مهمة، وهي إذا مات الأب مات البني آدم اللي الناس بتكرمك عشانه، وإذا ماتت الأم مات البني آدم اللي ربنا بيكرمك عشانه".
واختتمت باكية: "أنا دايما كانت جدتي تدعي وتقول ربنا يديني عمري على قد صحتي، الناس الكبيرة بيبقوا بركة في البيت، الأستاذ أنيس منصور قالي أنا محستش إني كبرت غير لما أمي ماتت، وأنا أمي هي اللي ربت دنيا وإيمي".
اترك تعليق