رئيس مجلس الإدارة
طارق لطفى
رئيس التحرير
أحمد سليمان
طلاق البلوجر أحلام.. يتصدر السوشيال ميديا
تصدر طلاق البلوجر المصرية أحلام. محرك البحث الأكثر شهرة جوجل ومواقع التواصل الاجتماعي الليلة الماضية. بعد إعلان زوجها مصمم الأزياء أحمد العجمي. خبر انفصالهما بشكل نهائي ورسمي بعد زواج دام لأكثر من عام إنجاب طفلهما الأول.
وكتب مصمم الأزياء أحمد العجمي. زوج أحلام السابق. عبر حسابه الشخصي علي موقع فيس بوك. قائلًا: قدر الله وما شاء فعل تم الانفصال رسمي انا وام ابني. يشهد ربنا اني مشفتش منها غير كل خير. وسبب الانفصال عدم تفاهم ليها مني كل الاحترام والتقدير.
وأثار خبر انفصال البلوجر أحلام عن زوجها حالة واسعة من الجدل عبر منصات التواصل الاجتماعي. خاصة بعد قصة الحب الكبيرة التي جمعت الثنائي. وكان أبرز التعليقات الآتي: استهدو بالله انتو بينكم طفل ربنا يهدي النفوس. انتو بترعبونا انا حقيقي زعلت عليكو من قلبي يارب الدنيا تتصلح.
كان واضح ان مفيش تفاهم أساسا أنت شخصية جادة جدا وهي مرحة اووي ربنا يصلح حالكم ويرزقكم الخير.
خرجت البلوجر أحلام في فيديو لها عبر حسابها الشخصي علي موقع فيس بوك. لأول مرة بعد خبر طلاقها وقالت: أنا حياتي مش لكل الناس ولكن الطبيعي إن لما حد يتجوز بيقول وأما يتطلق بردو يقول وإحنا اللي بينا مش مجرد ستورز انتوا كنتوا معايا في كل حاجة. ومش بحس خالص إني بلوجر وفيه كتير عائلات يشوفوني بيرحبوا بيا.
وأضافت: إحنا منفصلين أنا وجوزي من أيام ومفيش بينا أي عداوة ومش في نيتنا إننا نعادي بعض ولو علي الطفل في بنسبالي لو الطفل طلع لاقي أمه وأبوه بيحترموا بعض وهم منفصلين أحسن بكتير ما يكون بينهم عداوة ومع بعض.
وتابعت: ممكن يكون قرار متسرع ومندفع ومتفقين إن الطفل يتربي بينا بكل احترام ومحستش بالطلاق إلا وأنا بلم حاجتي أنا هسيب البيت والحياة اللي كنت عملاها وهو نصيب وأنا اللي اخترت ودي رغبتي وأحمد احترم رغبتي دي وكان بيساعدني في لم حاجتي وأخته وقفت جنبي وساعدتني في حاجات كتير ومعيطتش خالص غير وأخته بتكلمني وبحب مامته أوي ست جميلة وعيبها إنها طيبة.
اترك تعليق