رئيس مجلس الإدارة
طارق لطفى
رئيس التحرير
أحمد سليمان
لميس الحديدى تهاجم " الموسيقيين" : " بيان النقابة لا يليق بمصر"
شنت الإعلامية لميس الحديدي، هجما حادا بشأن بيان نقابة المهن الموسيقية حول حفلة الراب الأمريكي ترافيس سكوت، قائلة: بعيدا عن كلام السوشيال ميديا فوجئنا بنقابة المهن الموسيقية طلعت بيان بتقول هتلغي حفل ترافيس سكوت علشان مطالب الناس، ومن الواضح مكنش عندهم مانع ولكن يبدو أن كلام السوشيال ميديا أزعجهم.
واضافت لميس الحديدي خلال برنامج "كلمة أخيرة" : بيان النقابة غريب ولا يليق بمصر ولا السياحة والنقابة اعتمدت على كلام السوشيال ميديا، مردفة: اطلع بيان وأقول آراء متناثرة على السوشيال ميديا ونطلع بيان لا يليق بمصر ولا السياحة المصرية ولا إننا بنقول للعالم أبوابنا مفتوحة وبعدين نقول لا أقفلها.
وتابعت لميس الحديدي : مؤدي الراب واضح أنه داخل البيت من بابه، وأخذ تصريحات من الجهات الأمنية ووزارة السياحة ماينفعش بعد كل ده تطلع النقابة بيان بالشكل ده هذا أمر ليس علميًا ولا يليق بالسياحة ولا النقابة، متابعة: كنتوا قولوا من البداية مش عايزينه لكن نحدد حفل وبعدين نقول مش عايزينه.
وأستكملت لميس الحديدي حديثة: أنا معرفش المطرب ولست من محبيه ولا كارهيه ولا استمع لهذا النوع من الغناء، ولكن طالما بقول إن وزارة السياحة والجهات الأمنية وافقت يطلع بيان زي ده يعتبر إيذاء لسمعة البلد وسمعة السياحة.
اترك تعليق