رئيس مجلس الإدارة
طارق لطفى
رئيس التحرير
أحمد سليمان
مصطفى كامل: " لن اقبل بالتطاول على النقابة عشان عيب"
قال الفنان مصطفى كامل، نقيب المهن الموسيقية، إنه لن يقبل بالتطاول على النقابة أو عليه مؤكدا: انه مش هقبل كلام وحش على النقابة، ومفيش نقابة محترمة تسمح إن حد فيها يكتب عنها نقابة الفساد والعار، إزاي تكتب على بيتك كده ولا نفسك، لو شفت عار تقدم لرئيس مجلس الإدارة ولما ما يجيش حقك اعمل اللي أنت عاوزه".
واضاف مصطفى كامل خلال بث مباشر عبر صفحته الشخصيةعلى الفيسبوك : " لكن ليه تكون قاعد فاضي وتكتب نقابة العار ولاحقا لو ربنا ولاني الأمر ده مش هيكون مقبول، وبقرارات مجلس الدولة هناخد قرارات وهنرفع قضايا في المحاكم لأنها جريمة والدولة تجرم السب والقذف إلكترونيا".
وتابع مصطفى كامل : " مش هنجيب ناس يشتغلوا متعهدين ويرتشوا ويضيعوا مال النقابة، وأنا معايا بلاوي وشيلت اللي كانوا عاملين البلاوي وتحت إيدي المستندات والأدلة، وشرفي أهم من مهنتي وهتدور بمنتهى الشرف والأمانة والنزاهة والحب والاحترام.
وأستكمل مصطفى كامل: مالكوش حق تسبوا في النقابة، ده عيب لأن دي أكبر مننا كلنا وده بيتنا سواء وافقنا أو رفضنا، ولو غلطت في الكارنية، يبقى ما تستحقش تشيله وأنا مش هدي الكارنية ده لأي حد دون المستوى سواء أخلاقي أو بيقل أدبه؛ لأن فيه شؤون قانونية ونقيب ولجنة تحقيقات ووقت ما يبخس حقك اعمل اللي أنت عاوزه، الكيان ده بيراعى آلاف الأسر، وقيمة المعاشات اللي زادت بتعدي مليون و800 ألف جنيه، وكل ما بتدار بشرف كل ما المعاشات هتزيد أكتر.
اترك تعليق