رئيس مجلس الإدارة
طارق لطفى
رئيس التحرير
أحمد سليمان
مصطفى كامل للمرشحين: " اللي مفكر أنه يسرق يقعد في بيتهم"
وجه الفنان مصطفى كامل، من داخل نقابة المهن الموسيقية بعد تقدمه بأوراق ترشحه على مقعد النقيب رسالة للمرشحين قائلا : لكل زملائي المرشحين على منصب النقيب العام أو عضو مجلس الإدارة، أقسم بالله وبكتاب الله ما ليا قائمة، المرشحين كلهم أفضل من بعض واللي هييجي على الترابيزة دي هنشتغل مع بعض ولن أقبل بحد ينتفع من وراء الموسيقيين، واللي مفكر أنه يسرق يقعد في بيتهم واللي ناوي ياخد حق اليتامى من القديم والجديد هتكون سنينه سودة.
وأضاف مصطفى كامل خلال لايف عبر صفحته الشخصية على ال فيس بوك: عاوزين ناس شرفاء وأمناء على حقوق الغلابة، ومش بحب الفساد ولا أنا راجل فاسد ولا هقبل بحد فاسد معايا، وأحلامي الفترة الجاية هتكون أعلى على المستوى الإداري والخدمات والموظفين والواجهات المرشحة، وبحق كتاب الله ما ليا قائمة، ومش هوصي حد على حد وكله بمجهوده وعلاقته، ومش هقدر أمسك غير كتاب ربنا وماليش قايمة وزملائكم مطروحين عليكم وتوكلوا على الله وأنا مع الله وهفضل مع الله.
اترك تعليق