سر تأخر أحمد حلمي فى تقديم مسلسلات لجمهوره

أحمد حلمي

حرص الفنان أحمد حلمي على كشف سبب عدم تقديمه لمسلسلات تليفزيونية.

وأكد أحمد حلمي فى تصريحات له: "أنا بحب التليفزيون وجمهوره كبير، لكن أنا محتار عايز أقدم شيء بسيط وسهل وإنك تلاقي شيء جاهز في التليفزيون دا صعب، أن يجيلك حلقات مكتوبة تختار بينها وبين موضوع تاني دا مبيحصلش، الموضوع بنسبة كبيرة منه بيتكتب عشانك، داخلين مسلسل بنقعد ونبدأ نكتب، مش بيتكتب بطريقة السيناريوهات حد بيكتب ويبعتلك عجبك بتعمله، دا بيخليك متقدرش تحكم حكم كامل على الحاجة، بيجيلك معالجة ومتبقاش عارف هيبقى عامل إزاي بعد ما يتكتب".

وأضاف أحمد حلمي: "دا اللي أخرني مش عارف ولازم تدخل في السيستم لأن مجهود كبير ومفيش حد هيكتب مسلسل 15 حلقة أو 30حلقة عشان يبتدي يعرضه على مين يعمله، أنا عايز الحاجة تجيلي اقراها وأعجب بيها ومبتجليش عمرها".

واختتم أحمد حلمي قائلًا: كان نفسي الاقي رواية خلاص قريتها وعرفت بتبدأ منين وتخلص فين والموضوع بيتكلم عن إيه، في روايات كتيرة قريتها بس مش هينفع تتعمل زي "البحث عن جسد" و"نائب عزرائيل" ليوسف السباعي".

وكان تصدر النجم أحمد حلمي، تريند موقع التغريدات تويتر بالسعودية، وذلك بعد رفع شعار "كامل العدد" لمسرحيته"ميمو" ونفاد التذاكر بالكامل.

ورفعت المسرحية في كل عروضها لافتة "كامل العدد"، بل إن إدارة المسرح دائمًا كانت تضطر لوضع كراسي إضافية لاستيعاب الجمهور الذي طالب بحفلات إضافية للمسرحية لإتاحة الفرصة للجميع أن يشاهد "ميمو"، وبالفعل تم الاستجابة وقتها لرغبة الجمهور.

وحرص على حضور العرض المسرحي النجم محمد حماقي، الذي أبدى سعادته وإعجابه بالمسرحية، كما حضر العرض أيضًا المنتج حمدي بدر.

جدير بالذكر أن يشارك في مسرحية ميمو، بجانب النجم أحمد حلمي، مجموعة كبيرة من أبرز الفنانين منهم أحمد رزق، حمدي الميرغني، هنا الزاهد، هنا شيحة، محمد رضوان، وجيلان علاء، نور إيهاب، ومي جلال وغيرهم من الفنانين، والعرض الأول للمسرحية كان يوم 20 فبراير ضمن فعاليات موسم الرياض بالمملكة العربية السعودية.