رئيس مجلس الإدارة
طارق لطفى
رئيس التحرير
أحمد سليمان
جوري بكر تكشف حقيقة خضوعها لعمليات تجميل
كشفت النجمة جوري بكر عن حقيقة خضوعها لجراحات تجميل مشيرة أنها تلقت حقنة فيلر مره واحدة وتلقت نصيحة بتعديل شكل الأنف.
كشفت جورى حقيقة خضوعها لعدة جراحات تجميل خلال لقائها في برنامج اسألني المذاع عبر شاشة CBC وقالت: ضربت كام حقنة فيلر؟ هو مين مابيضربش فيلر؟ بس أنا عملتها مرة في حياتي ومن ساعتها معملتهاش تاني .. هو الموضوع رباني يعني.
وأضافت: أكتر حاجة أحبها في شكلي هي شعري .. وأنا عملت مرة واحدة فيلر في شفايفي ومن ساعتها ما عملتش حاجة .. وناس كتير قالت لي إني محتاجة عملية تجميل في مناخيري لأنها معووجة وأنا شايفاها تمام.
تابعت قائلة: أنا الحمد لله مبسوطة بالنعمة اللي ربنا ادهالي .. أنا مش بعدل خلقة ربنا أو خلقتي .. فيه ناس بتقعد تحطلي صور قديمة من أيام ما كنت عيلة صغيرة .. أكيد طبعاً كان شكلي تماماً مختلف نقول مثلا إن إحنا كلنا مكنش عندنا أي نوع من أنواع التواصل مع السوشيال ميديا ولا كنا بنعرف نلبس كويس ولا نحط ميكب آب ولا نحط فلاتر .. فأنا كنت زمان عبيطة أوي في الحاجات دي لكن دلوقتي أنا حاباني بملامحي يعني .. في ناس كتير كانت بتقولي إن مناخيرك محتاجة تتظبط شوية لأنها معووجة بس أنا شايفة إن هي تمام.
اترك تعليق