ايه رأيكم نعمل شوية سمبوسة بحشوات مختلفة ونشيلها فى اكياس بالفريزرعلشان رمضان قرب بحيث نطلعها من الفريزر وقت اللزوم و نقليها على طول._x000D_ _x000D_ اول حشوه : لحم معصج مع البشاميل ._x000D_ ربع كيلو لحم مفروم + بصله مبشورة ونعصج اللحم والبصل ونضيف عليه ملح وفلفل اسود._x000D_ نحضر البشاميل من كوب لبن و2 ملعقه كبيرة دقيق وواحد مكعب مرقة دجاج ونرفعهاعلى النار مع التقليب المستمر حتى يغلظ قوامها ونضيفها على العصاج مع ضبط الملح وفائدة اضافة البشاميل للعصاج يعطى طراوة للسمبوسة وطعم جديد وجميل ..وممكن اضافة الفلفل الحار للحشو اذا كنت بتحبى الطعم الحار انت واسرتك.._x000D_ ونحشى بالخلطه دى السمبوسة او القطايف الحادقة وممكن كمان صوانى الجلاش._x000D_ _x000D_ الحشوة الثانية : اى نوع من انواع الجبنه اللى تفضليها انت واسرتك زى الشيدر المبشورة او الموتساريلا.او الجبنه الفيتا او القريش المهم نضيف ليها زيتون مخلى اسود او اخضر وبصلة صغيرة مبشورة وفلفل اخضر مقطع رفيع ..وتذوقى احلى حشوة للسمبوسة. _x000D_ _x000D_ الحشوة الثالثة : كيس خضار مشكل " بسلة وجزر" وبصلة متوسطة مبشورة وملح وفلفل وبهرات مشكلة ."نرفع البصل مع الخضار مع قليل من الزيت حتى يتشرب الخضار مائة ونضيف الملح والفلفل والبهارات وبعد ماتبرد نحشى بيها السمبوسة._x000D_ _x000D_ الحشوة الرابعة : فراخ بالكارى والخضرة _x000D_ "لو فضل عندك لحم فراخ محدش عاوز ياكلها ممكن تستفيدى بية فى الحشو ولو مفيش هاتى ربع كيلو فراخ فيلية وقطعيها رفيع وارفعيها على النار مع ملعقة زيت ولما تدخل على سوى تبليها بالملح والفلفل والكارى وبعد ماتتشرب كل الماء بتاعها ضيفى باقة كبيرة من الكسبرة الخضراء المقطعة رفيع واطفى النار فورا وقلبى وبعد ماتبرد احشى السمبوسة ولو الفراخ مستوية من قبل وفاضت عندك افرميها واخلطيها مع الكارى والخضرة واحشى بيها على طول من غير ماترفعيها على النار ._x000D_ _x000D_ وكدة يبقى عنك اكتر من نوع من السمبوسة وشيلى كل نوع فى كيس على حدة واكتبى عليها نوعها بقلم فلوماستر ليسهل التعرف عليها فى الفريزر وبالهنا ._x000D_