رئيس مجلس الإدارة
طارق لطفى
رئيس التحرير
أحمد سليمان
زوجه فى دعوى خلع: زوجى مدمن مخدرات وهيموت بنتى
بنتي خدت جرعه من المخدرات بالخطأ من المخدرات اللي بيشربها ابوها ودخلت العناية المركزة، هكذا بدأت زوجة فى سرد قصتها أمام محكمة الأسرة.
واصلت الزوجة حديثها بصوت مكسور، بنتي شربت مخدرات بسبب جوزي وكانت هتموت،كنت بدعي ربنا في كل دقيقة اصل مليش غيرها في الدنيا، هى اللى مخليانى أعيش.
قالت الزوجة: "تزوجتة منذ 7 سنوات وبعد فترة من الزواج حدثت بعض المشاكل بيننا وفي نفس الوقت كانت هناك مشكلة مع زوجي في الشغل وسابه، بعدها دخل زوجى في حالة اكتئاب، وتعاطى المواد المخدرة، في الفترة دي اشتغلت في مستشفى "عاملة نظافة"، كان ييجي يوم القبض يضربني وياخد المرتب يشتري به مخدرات.
تُكمل الزوجة بحديث يملؤه المفاجآت وخيبة الأمل التي لم تكن في حسبانها يومًا ، وتقول: في يوم حصلت مشادة بيني وبينه ضربني وقتها حتى أفقدني الوعي، قعدت إثرها شهر في المستشفي، وبعد ما رجعت البيت لقيته بايع عفش البيت واشتري به مخدرات شربها، خلال الفترة دي بنتي كانت قاعدة في غرفة النوم لوحدها،وجدت كيس في بودرة "بيسه" البنت لسه طفلة ماتعرفش ايه ده افتكرت انه حلاوة وقامت بأكله، وبعدها أغمي عليها ورحنا بيها المستشفى لحد ما وصل بي الأمر أني جيت للمحكمة عشان أخلعه.
اترك تعليق