د. مني داوود.. استشاري العلاقات الإنسانية وتطوير الذات

السعادة هي طاقة من الرضا بالقضاء والقدر والامتثال لأوامر الله. السعادة هي حالة من الإحساس بالمتعة والسرور والارتياح واطمئنان القلب وانشراح الصدر. ان الشخص السعيد هو الشخص الذي يقع في غرام نفسه فيعقد النية علي ان يكون سعيدا وانه المسئول عن إسعاد نفسه. 

وكثيراً نسأل أنفسنا "ازاي اقدر احب نفسي واتقبل عيوبي وأزاي اقدر ادخل في علاقة مع الآخر تحسسني اني مرغوبة ومحبوبة؟" فتكون الاجابة الاكيده انك لازم تحب نفسك اولا. ولكن كيف؟ :

أولاً: القبول هو مفتاح دخول الاشخاص الي حياتنا لحكمة من الله. فكل شخص يظهر تكون له مهمة في حياتنا وكل شخص يختفي قد انهي هذه المهمة. والمهام موزعه مثل الارزاق فهي ليست صدفه.

ثانياً:  ابحث عن تجارب مثيرة. فاسلوب الحياه الراكد اسلوب ممل وعليك اكتشاف العالم الآخر والشعوب عن طريق السفر او قراءة كتاب ممتع او مشاهدة فيلم ممتع تحبه.

ثالثاً : الثبات علي عادات يومية ايجابية. لازم طول ما احنا عايشين نشتغل علي تطوير نفسنا وروحنا وعقلنا لكن الاهم تثبيت العادات اليومية اللي بتجلب لينا السعادة في يومنا حتي ولو بخطوات بطيئة.

رابعاً: حمايه صحتك النفسيه فممنوع الاقتراب من اي شخص هيبعدك عن سلامك النفسي علي قدر الامكان اقلل من العلاقات المزعجه في الحياه واتقرب من ناس عندها شغف في الحياة.

خامساً: ممارسه فن تجاهل اشخاص وتجاهل احداث. واختار المعارك اللي ادخل فيها مش اي معركه تشدني وتنهكني نفسيا وعصبيا ادخل فيها.

سادساً: الاهتمام بصحه الجسم فمن المهم جدا الاهتمام بصحة الجسم والعادات الغذائيه الصحيه مفيدة جدا لزياده الثقه بالنفس وبالتالي حب وتقدير الذات زي التعرض للشمس .ممارسه الرياضه. المشي ودي رياضة غير مكلفه لكنها بتفرق جدا نفسيا.

سابعاً: بلاش تكون قاضي وتصدر احكام. بلاش نحكم علي شخص لمجرد اننا شوفنا منه تصرف او موقف او سمعنا عنه من ناس دي كويسه لا دي فاشله .دي متجوزة دي مطلقة. بلاش احكام مالهاش قيمة. كل شخص حر في حياته كل شخص يركز في كتابه وكراسته.

ثامناً: الرزق بيد الله. ماتننظرش موسم الحصاد. ازرع زرعتك وارويها وتوكل علي الله .الرزق بيد الله يبسطه لمن يشاء كل اللي عليك هو السعي في المال .الزواج.الاولاد.الشغل كل اللي عليك السعي باخلاص.

تاسعاً: جبر الخواطر عادة عظيمة بتكون ليها اثر علي نفسنا قبل الاخرين دايما نترك اثر طيب مطمئن في قلوب الناس كلنا محتاجين السند والدعم والدنيا دايره وقانون الدوران لا يرحم احد.

عاشراً: اضحك للدنيا. ابتسم علي اي شئ وكل شئ. اختلق اسباب عشان تضحك. الضحك بيفرز هرمون الاندروفين وده هرمون هيسبب لك السعادة فزود الجرعة منه بقدر الامكان.