رئيس مجلس الإدارة
طارق لطفى
رئيس التحرير
أحمد سليمان
سهير جودة: الستات بيخافوا من الوحدة أكثر من خوفهم بالإصابة بالسرطان
حرصت الإعلامية سهير جودة، على التعليق على ما كتبته المخرجة هالة خليل مؤخرا على حسابها الشخصي عبر فيسبوك، وتقول ان الوحدة قفص من ذهب تصنعه احيانا بنفسك ليحميك من الوحوش الكاسرة، بالرغم من أن الوحدة عكس الطبيعة، هي الونس والحياة، وزي ما بيقولوا الجنة من غير ناس ما تنداس، انا بشوف ان مستحيل تكون السعادة في الوحدة، الا لفترة مؤقتة وليها اسباب.
وأضافت سهير قائلة: "احيانا بتكون الوحدة اختيار بس المفروض تكون لفترة مؤقتة، وفي دراسة أمريكية كشفت سر صحة وسعادة الست، وطلع ان الستات الستات بيخافوا من الوحدة اكتر من خوفهم بالاصابة بالسرطان، تخيلوا احنا بنسميه المرض الوحش، والوحش الكاسر، ولكن هاجس الوحدة اصعب عند الستات الستات من الاصابة بالسرطان، خاصة لما تكون ست مبتشتغلش او بتشتغل بس معندهاش ولاد، معندهاش زوج، ولو ان احيانا الوحدة خير من الزوج السوء".
وتابعت سهير: "الانسان بيكون مجبر على الوحدة لما يعدي بمشكلة عاطفية، او عنده وحدة عاطفية، وفي الحالة بيبقى عايز يقعد لوحدة، ويمكن الرجالة بتحس بالموضوع ده اكتر عشان تعرف بعد كده تقيم الامور، لكن الست بتبقى مرتبكة ومش عارفة تتصرف، ودايما دكاترة الطب النفسي بيقولوا ان دايرة المعارف والاصدقاء هي جزء مهم جدا من العلاج".
واختتمت سهير جودة: "الست اللي بتختار الوحدة إما أن تكون مبدعة فبتحاول تنجز مهمتها الابداعية، او انها انجرحت في حياتها العاطفية فبتلجا للوحدة، لكن لو الوحدة طولت اعتقد هتكون مأساة للستات والرجالة، وبشوف ناس ساعات الوحدة بتخليهم يعملوا تصرفات غير طبيعية وبيبقوا عايشين في مأساة كبيرة جدا".
اترك تعليق