رئيس مجلس الإدارة
طارق لطفى
رئيس التحرير
أحمد سليمان
برونو سافيو عامل قلق.. مشادة بين الغندور وهشام حنفي على الهواء
نشبت مشادة كلامية بين لاعب نادي الزمالك السابق خالد الغندور ونجم الأهلي السابق هشام حنفي بشأن البرازيلي برونو سافيو لاعب النادي الأهلي.
وقال هشام حنفي منتقدا خالد الغندور فى تصريحات تليفزيونية :"كابتن خالد قال على سافيو لاعب عادي ولاعيب قليل ومش باللمسات والمهارات الجيدة".
ورد سيف زاهر :الخبرة علمتنا يا هشام أن نكّون رأينا على المدى الطويل، الموسم اللي فات مثلا قلنا ميكيسوني وبيرسي تاو هيكسروا الدنيا، عشان كده لازم نقول اللاعب كويس بعد فترات طويلة.
وتابع هشام حنفي :بس برونو سافيو واضح لاعيب كورة كويس جدا، والجون اللي جابه جابه في نادي الزمالك فده لاعب مميز وعنده مهارات كويسة يقدر يجيب جون بالشكل ده.
ورد خالد الغندور ورد قائلًا:مرة واثنين وثلاثة الهدف من خطأ بعد تمريرة زكريا الوردي وخروج محمد عواد من مرماه بشكل غريب، هو إحنا هنقيم لاعب عشان جاب جون.
وأضاف الغندور:أنا رأيي إن سافيو لاعيب عادي ومعندوش شخصية وكنت أشعر أن كولر هيغيره في مباراة السوبر، بدليل إنه في مباراة الداخلية بعد كده معملش حاجة.
اترك تعليق