رئيس مجلس الإدارة
طارق لطفى
رئيس التحرير
أحمد سليمان
شيراز حسني تفتح النار على موزع أغنيتها "أنا مش مامتك".. اعرف التفاصيل
اتهمت المطربة شيراز حسنى موزع أغنيتها "أنا مش مامتك" التي طرحتها عام 2018، بسرقة نفس التوزيع لأغنية "عيشها بمزاج" لأحد المطربين.
وعلقت شيراز على صفحتها على موقع التواصل الإجتماعي "فيس بوك" قائلة :
رغم إني اتعرضت لمواقف كتير وحشة منهم نصب وسرقة وعقود احتكار عطلتني كتير وقعدتنى في البيت، لكن دايما كنت بحل أمورى بهدوء ولإني مابحبش وجع الراس كنت كتير بعدى وافوت، بس تقريبا في كتير افتكرو إني هبلة وبسكت عن حقي، فقالوا يتمادوا..
المهم مع احترامي للفنانين واللي ملحنلي الغنوة واللي رشح الموزع للغنوة، إلا إنه عيب على موزع محترم أخد حقه المادى انه ياخد توزيع عامله وواخد تمنه لمطربين تانيين لأ ولأنه عارف انه عامل حاجة غلط عمل ليا بلوك، اتفاجأت بناس بتكلمنى وتبعتلي رسايل تقولي الغنوة بتاعتك التوزيع مسروق ومعمول لغنوة تانية، دخلت أشوف لاقيت ان الموزع اللي وزعلي الغنوة، هو اللي وزع ولحن الغنوة التانية، بجد برافو علي الابداع ، بس ياريت ماتتريقوش على فناني المهرجانات وتتهموهم بالسرقة وتقللوا منهم وكأنهم شيء حقير وانتو اصلا بتعملوا اللي بيعملوه برافو عليكم، اللي هو أنا اسرق عادى لكن اتسرق لأ اقلب الدنيا، وانا سيبلكم جزء من اللي اتاخد من الغنوة الحكم ليكم.
اترك تعليق