رئيس مجلس الإدارة
طارق لطفى
رئيس التحرير
أحمد سليمان
لقاء الخميسي عن واقعة حارس الاتحاد: اتقوا الله الانسانية راحت فين دي رياضة مش خناقة!
علقت الفنانة لقاء الخميسي على واقعة بكاء حارس الاتحاد السكندري أحمد يحيي بعد تعرضه للهجوم من الجمهور بعد تلقيه 5 أهداف فى مرماه بمباراة سيراميكا كليوباترا.
حيث كتبت عبر حسابها على فيس بوك قائلة: الحقيقة ان الواحد ساكت بقاله سنين بس اللي حصل انهارده لا يسكت عليه !
الاخلاق راحت فين ؟! الانسانيه راحت فين ؟ ايه بجد اللي حصل للناس ؟! مشهد بائس ومخيف ولايمت للإنسانية بصلة .
وأضافت: أحمد يحي حارس مرمى الاتحاد السكندري .. حارس مرمى مثابر ومجتهد وانسان خلوق وشاب في بدايات مستقبله ، اتوفى اخوه من يومين ونزل الملعب ولعب ووقف وصد وعمل اللي عليه كله والاخطاء ماتخصوش وحتى لو تخصو ودا مش حاصل".
وتابعت: "ليه الاهانات ليه الشتيمة ليه التعدي بالفاظ خارجة ليه كل دا .. ياعالم دي رياضة رياضة مش خناقة مابين بلطجية دى متعة مش تعنيف".
وأشارت: "ايه بقى امتى هاتفهم ان لاعب الكره بني ادم بيؤدي شغله وبيحس وبيحلم وعنده اهل بيزعلو اما بيتهان وهما يتهانو معاه وعنده ام بتزعل وزوجة بتتجرح على جرحه".
ولفتت: "كفاية بقى كفاية تكرهوا الناس في عيشتهم وشغلهم اللي بيبذلو فيه مجهود وبيحبوه، ماحدش ليه حق مطلق في الشتيمة والاهانة.
واختتمت: اي حد بيشتم هل يقبل انه يتشتم ويتهان !!!.. هل تقبل دا عليك وعلى اهل بيتك اتقوا الله بقى اتقوا الله.
اترك تعليق