رئيس مجلس الإدارة
طارق لطفى
رئيس التحرير
أحمد سليمان
النجمة ريهام حجاج: "يوتيرن" نقلة جديدة في مسيرتي الفنية
فرحانة أوي أن المسلسل شد الناس لدرجة أن الستات والبنات بيبعتولي رسايل يقولوا فيها أياكي ترجعي ليوسف بعد اللي عمله فيكي"..بهذه الكلمات عبرت النجمة ريهام حجاج عن سعادتها بنجاح مسلسلها "يوتيرن" والتعاطف الكبير خاصة من البنات والأمهات مع شخصية "يارا"التي تقدمها بسبب كم الصدمات التي تعرضت لها من اقرب الناس اليها.
تضيف ريهام المسلسل ابتدا بهدوء ورومانسية خاصة المشاهد التي جمعت "يارا"بزوجها "يوسف".. واعتقدوا أن الحكاية كلها هتمشي في الخط دا..لكن المؤلف العبقري أيمن سلامة عمل تحول مفاجيء بحادثة السيارة وبعدها مكالمات التهديد والابتزاز ليارا وابن خالتها "خالد" وبسببها اتدمرت حياتها.. وبعدها الصدمة الأكبر عندما تكتشف أن ابن خالتها وراء كل مصيبة حصلت لها.. كل حلقة في المسلسل فيها حدث جديد عشان كدة الناس اتشدت له وكمان بدأوا يخمنوا ازاي "يارا"هترجع حقها بدون مشهد واحد فيه عنف أو بلطجة..
أشارت قائلة تعبنا جدا في المسلسل لأننا بدأنا الشغل عليه من شهر نوفمبر مابين تحضير ومناقشة والتصوير.. وانا محظوظة بوجود المخرج الكبير سامح عبدالعزيز لانه بياخد من الممثل أفضل أداء.. ويعطي كل زميل حقه في الاهتمام به خلف الكاميرا عشان يظهر علي الشاشة في أفضل حالة فنية.. ودا لمصلحة المسلسل ككل.. والحمد لله ربنا كلل تعبنا في النهاية بالنجاح.
عن الهجوم الذي تتعرض له في كل عمل تقدمه
قالت الشخص الناجح هوا اللي الناس بتهاجمه.. وانا مركزة في شغلي وبس.. واي تعليقات سخيفة بارميها ورا ضهري.. وعارفة أن فيه ناس غاوية تعكر الميه الرايقة وتوقع بين الناس..يهمني فقط النقد الموضوعي.. غير كدة مش فارقة معايا.
وحول كواليس مسلسل "يوتيرن "تقول ريهام حجاج
جو الشغل مريح جدا.. والجمهور شاف أن المسلسل به نجوم كتيرة لأني شخصيا مؤمنة أن محدش يقدر ينجح لوحده.. العمل الفني عمل جماعي لو مفيش حب وتعاون لا يمكن ينجح.. وكنت سعيدة اوي بوجود الفنان الكبير توفيق عبدالحميد وكنت حاسة فعلا انه زي ابويا ومشاهدي معاه بعتبرها نموذج لعلاقة الاب بابنته لان البنت حبيبة ابوها.. والجمهور شاف كمان كريم قاسم في حتة جديدة خالص مقدمهاش قبل كدة.. وبرضه أيمن القيسوني.. وفيه وجوه جديدة في المسلسل زي هلا السعيد وهنا جاد..
واخيرا عن اجازة العيد. تقول
هاخد اجازة طويلة لأني مرهقة جدا من طول مدة التحضير والتصوير.. لسة مش عارفة هسافر فين لكن اكيد جوة مصر. لان بلدنا فيها أماكن حلوة اوي.. انا من أنصار تشجيع السياحة والسفر جوه مصر.
اترك تعليق