رئيس مجلس الإدارة
طارق لطفى
رئيس التحرير
أحمد سليمان
- منتخب مصر يواجه قطر ودياً إستعداداً لكأس العالم تحت 17 عاماً
- الترجي يضرب رحيمو البوركيني بثلاثية بدورى الأبطال.. ويتأهل للمجموعات
- طبيب بيراميدز يكشف حجم إصابة مصطفي فتحي أمام التأمين الأثيوبي
- بيراميدز يسقط في فخ التعادل أمام التأمين الإثيوبي بدوري الأبطال
- مبابي رجل مباراة ريال مدريد وبرشلونة في الدوري الإسباني
الاختيار 3.. السيسي ينصح مرسي بالتصالح مع القوى الوطنية والحفاظ على مؤسسات الدولة وعدم التدخل في شئونها
شهدت الحلقة الثالثة والعشرين من مسلسل الاختيار 3، والتي عُرضت اليوم تحت عنوان "تقدير الموقف"، اجتماع الرئيس المعزول محمد مرسي "صبري فواز" والفريق أول عبد الفتاح السيسي وزير الدفاع "ياسر جلال"، واللواء محمد العصار، مساعد وزير الدفاع لشئون التسليح.
وقال الفريق السيسي لـ محمد مرسي: "اسمح لي اتكلم معاك بصراحة تقديرات الموقف اللي ببعتها لحضرتك مع سيادة اللواء العصار واللي بيستلمها مدير مكتب حضرتك الدكتور أحمد عبدالعاطي الهدف منها هو وضع صورة واضحة وصادقة وأمينة لكل الأوضاع من غير تجميل أو تزايد".
ورد عليه مرسي مستنكرًا: تقدير موقف فيها تقديرات الموقف دي.
فـ رد اللواء العصار: إن حجم التحديات ضخم جدا وعلى رأسها التحدي الاقتصادي وهذا يتطلب دعم من الأخوة الأشقاء بأرقام كبيرة من ٥٠ إلى ٧٠ مليار جنيه وده نتيجة حالة الفوضى والثورة لأكثر من سنة ونص إلى جانب هشاشة الاتصال علشان كده لابد من حشد جهود كل القوى لمواجهة التحديات دي، مش التصادم مع مؤسسات الدولة، كمان لازم تبقى استراتيجية الدولة هي عدم التدخل ومحاولة إحياء وتصدير الثورة في بلادهم أو تقديم أي دعم أو تعزيز وتخريب زعزعة استقرار البلاد.
ورد مرسي قائلا: "وأيه المقترحات يا سيادة الفريق".
فقال السيسي: "التصالح مع كل القوى الوطنية يافندم وتكوين لجنة لمعالجة التحديات دي وكمان الحفاظ على مؤسسات الدولة وعدم السماح بالتدخل في شئونها وخاصة من مكتب الإرشاد لازم المسئولية تكون مسئولية الرئاسة فقط".
وتابع السيسي: "طبعاً انا عارف ان الكلام اللي بقوله ضد فكر وعقيدة الإخوان والتنظيم الدولي بس لازم نشوف حل للموضوع ده، وكمان يكون في دعم لقدرة الأجهزة الأمنية لمواجهة الفكر الهدام المتطرف والاستمرار في متابعة ده وتكوين قواعد بيانات لكل الفصائل اللي بتتبنى الفكر ده وأهم حاجة هي المصارحة المستمرة للرأي العام والتعامل مع الرأي العام على أنه كتلة واحدة".
وتابع: فخامة الرئيس اسمح لي اقول لحضرتك أن حجم التحديات ضخم جدا مخيف والجماعة مش هتقدر تتعامل معاه واسمح لي افكر حضرتك لما كنت بقول إن حالة التظاهر اللي استمرت أكثر من سنة ونص جابت اللي فضل من البلد على الأرض ده غير تراجع الاحتياطي في البنك المركزي لأقل حجم في تاريخه".
"الإختيار 3 – القرار" يعرض على قناة ON الساعة 9.30 مساء والإعادة الساعة 4.20 صباحاً والساعة 3.25 مساء، ويعرض على قناة ON دراما الساعة 11.20 مساء ويعاد الساعة 6 صباحا والساعة 10.30 صباحا والساعة 4.40 مساء.
اترك تعليق