رئيس مجلس الإدارة
طارق لطفى
رئيس التحرير
أحمد سليمان
ياسمين عز عن إطلالة ويجز: "الناس كلها بقت رئيس مجلس إدارة الموضة العالمي"
حرصت الإعلامية ياسمين عز على توجيه رسالة لمغني الراب ويجز، وذلك بعد تعرضه للسخرية بسبب إطلالته فى حفل موسم الرياض.
حيث قالت خلال تقديمها برنامجها «كلام الناس»، المذاع على شاشة قناة «mbc مصر»، اليوم الخميس: "اسمحولي أصقف لويجز على الهواء، على اللوك الحلو اللي ظهر فيه في حفلته الأخيرة في السعودية اللي كسرت الدنيا".
وأضافت: "مبقاش فيه شغل شاغل للناس إلا إنها تتكلم عن لوك ويجز".
وتابعت أن هذه الإطلالة لـ ويجز ليست الأولى له بهذا الشكل قائلة: "أولا مش أول مرة ويجز يطل على جمهوره بشورت، وكان من فترة عنده حفلة في دبي، وكان لابس فيها شورت أخضر ولابس من فوق تي شيرت أسود وعليه جاكت أسود، ومحدش اتكلم وعمل نفسه رئيس مجلس إدارة الموضة العالمي".
واستطردت: "انت مشكلتك مع شورت ويجز ولا مع الألوان؟..، ما يلبس اللي هو عاوزه براحته واللي حابه يعمله، ورمز المونولج زمان شكوكو كان لابس نفس لون الموف وعصايته خضرا، ومحدش وقتها انتقده عشان الألوان اللي لابسها".
وأشارت: "مش معقول يا جماعة ومش مقبول، بشويش على نفسكم بالراحة، بقالنا 3 أو 4 أيام ملناش سيرة غير ويجز ولبسه في الحفلة، للدرجة دي بقينا فاضيين؟.. لو كدة يبقى برافو عليه ويستاهل تحية كبيرة على الهوا لأنه فهم الناس صح، تتفق أو تختلف مع اللي لبسه ويجز، بس عرف يشغل الناس وياخد اللقطة".
واختتمت: "التقاليع دي موجودة في كل مكان ولما بنشوف ده في الموضة برة مصر بنصقف ونقول الله حاجة جديدة أوي، لكن لما نشوفه عندنا بنسن السكاكين، لا ويجز بيعبر عن الفن المصري لوحده، ولا ويجز المسؤول الوحيد عن الذوق العام لجيله".
اترك تعليق