القروى الساخر - عبدالهادى الشعراوى
معروف بفن الزجل لكن مانش دجال_x000D_ عرفت لغة الأدب وكتبتها أزجال_x000D_ وقلمى عشق الأدب ولا عمره عنه مال _x000D_ وعشان أهالى الأدب هقول أنا الموال_x000D_ _x000D_ موالى لأجل الأدب وأهله والأحباب_x000D_ مكتوب والله بأدب وهطبعه فى كتاب_x000D_ وكلامه لون م الأدب متعلمه منكم_x000D_ ياصحبة الإبداع فى الساحة والمحراب_x000D_ _x000D_ ياعاشقين الأدب الشعر له ألوان_x000D_ فوق الورق كلمته موزونه بالأوزان_x000D_ وعشان نشق جدار الأمن والأحلام_x000D_ لازم نعيش كلنا نعلى فى البنيان_x000D_ _x000D_ الصحبة لما تكون أقلام ولها إحساس _x000D_ أهل بلاغة وأدب بتحب كل الناس_x000D_ تلقى حياتك فرح والقلم فى ايديك_x000D_ تكتب وترسم نغم أغلى من الماس_x000D_ _x000D_ تلميذ ولى الشرف فى الشعر العامى_x000D_ أصل الإمارة طرف وأنا اصلى واد عامى _x000D_ نفسى ماحس بطرف ويبقى حرفى قريب_x000D_ غنوة فى ساحة ادب عشقها همــــــى_x000D_ _x000D_ ياعم ياعمنا طول عمرى وانا تلميذ_x000D_ عارف حدود خطوتى وحرف قلمى عزيز_x000D_ فوق الورق كلمتى مرسومة بأحبارى_x000D_ لاعمرى يوم ادعيت بإمارة او تميز_x000D_ _x000D_ ياحارسين الأدب اصحوا للغربان_x000D_ فى كل ساحة الوسط وصدور اى ديوان_x000D_ دا حلمهم تنتهى كل جمال صورة_x000D_ ياخلق هوه صحصحوا وحافظوا ع العنوان_x000D_ _x000D_ اوعى تنافق بحرفك ولا تبقى يوم رقاص_x000D_ اصنع بحرفك مكانتك عمرك ماهتنداس_x000D_ ساعتها تبقى حروفك هى اللى علشنها_x000D_ اخدت اعلى شهادة وسكنت قلوب الناس_x000D_ _x000D_ الشعر ماهش كلام مرصوص بدون احساس_x000D_ ولا رسم فوق الورق جوه ديوان وخلاص_x000D_ علشان مانول شرف عضوية وشهادة_x000D_ الشعر اسمى رسالة الصدق فيها اساس_x000D_ _x000D_ للشعر واحد امير واخدها بمبايعة_x000D_ باقى بقلب الادب مدرسة وجامعة_x000D_ لكن النهاردة الامارة فى الساحة بشهادة_x000D_ تلقى امير كل يوم م السبت للجمعة_x000D_ _x000D_ مليون امير واميرة فى الساحة الادبية_x000D_ وبقى اللقب اغنية فى الفيس مدوية_x000D_ وف اى ندوة وملتقى تلقاه امام اسماء_x000D_ معقولة بقت الامارة بحروف ياريت نثرية_x000D_ _x000D_ عينى عليك يا ادب محتاج لثورات_x000D_ الحرف صرخة الم فوق الورق بتبات_x000D_ امته يعود الزمن والمعنى يجمعنا_x000D_ ونشوف ساحات الادب مكحلاها كلمات_x000D_ _x000D_ فلاح ومسك القلم وكتب بايده غنوة _x000D_ وف قلب ساحة الادب قام وقال كلمة_x000D_ خلى الحضور صقفوا بقوة وبهمة_x000D_ تحية للى كتب والف الغنوة _x000D_ _x000D_ الغنوة بقت النهاردة باردة بدون احساس_x000D_ البعض عمال يغنى كلام صداع ف الراس _x000D_ ما انا اصلى حاسس وشاعر بمرارة الكاس_x000D_ بكفاية بقى غنا موت مشاعر الناس_x000D_ _x000D_ تايه يابحر الادب مع كتر الندوات_x000D_ وفيس كله عجب الرقص فيه بصاجات_x000D_ فيه كلام مش ادب مزيناه شهادات_x000D_ الله يعين الادب بكفاية بقى سكات_x000D_ ......................................_x000D_ _x000D_ رسالة القيت فى امسية همسات بقصر ثقافة روض الفرج الخميس 17-4-2014 _x000D_ لم اقصد بها احدا بعينه ولكن هى حالة اسجلها لما تراه عينى بالوسط الادبى الان._x000D_