الجهاز القومي لتنظيم الاتصالات
    مصر
  • 29℃ القاهرة, مصر

رئيس مجلس الإدارة

إيـاد أبــو الحجــاج

رئيس التحرير

عبد النبي الشحـــات

يا سنيني ارجعيلي

كلمات: كريم العشري



يا سنين ياللي رحتي ارجعيلي
وعرفيني مين سايبني ومين باقيلي
ومين بايعني في الحياة ومين شريني

عرفيني ان كنت صح ولا غلط
اصلي حاسس ان عقد الحياه مني فرط
طيبة دية ولا قلبي كان بيغلط عرفيني

أيامك انت كنت عايش انسان وحيد
قلبي مليان بالحنان ويتقال شديد
كنت بشتري ويتقال بايع عنيد
وانت كنت بتسكتلهم وتسبيني

حقي فيك ضاع والظلم بان
ارجعي وعرفيهم مين كان جبان
مين كان بيسكت من قوته
ومين كان خاين زمان
عرفيهم
انك انت بتسمعلهم وتطنشيني

ارجعي وعرفيهم
ان انا عشت فيك كل خدعة وكل وهم
وان انا في كل موقف كنت بعمل قبطان وشهم
واني كنت بصد عنهم كل شر وكل سهم
عرفيهم انك انت كسرتي قلبي وبكيتي عيني

لا يا سنين ارحلي ومترجعيش
اصل ما صدقت قلبي نسي وابتدى يعيش
وضحكتي اللي كانت حلوة و متتنسيش
ارحلي وقفلي الصفحة وخليني أعيش

ياسنين ياللي رحتي أرحميني 
و وارحمي شوقي وحنيني

  ارحمي قلبي اللي اشتكى
     لما ضاعت مني سنيني 

    وارسمي الضحكة الجميلة
         وارحمي قلبي وعيني

       ياسنين يا اللي رحتي اقتليني
    واقفلي صفحتي وانسي حنيني.
#Kareem_Elashray





يمكنك مشاركة الخبر علي صفحات التواصل

اترك تعليق