بطاريات منصور
أخبار التعليم
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

يا دينا كانت سكرة
يادنيا كانت سكرة ..دلوقت ليه متكدرة  والمية كانت صافية ليه ..نازلة النهاردة معكرة واللقمة كانت بالهنا .. دلوقت ماسخة ممررة 


 

احكى يادنيا قصتك يمكن تروح الشحورة  .
إن كان ده داء  فيه الدوا وان كان حسد فيه مبخرة

 

فيه خلق بتموت م التعب .فيه خلق بتموت م العطب ..وكتير قتلهم الغضب  الموت بقى من غير سبب ..والمحكمة متحيرة 

ياخلق سايحة فى الترف ..فيه خلق عايشة فى القرف والفقر عاشقها وألف ..والذنب يحمل من عرف ..والدنيا رحلة مقدرة 

اتوافقوا يمكن تقدروا ..تمدوا عمر اللى انبروا ..ده البر يسعد من عطف .واللى انصرف فيه ماانصرف ...من غير رياء ولامنظرة 

ياقلب مفلوق بالألم. . ماتوا شباب عايشين  سلم .. ومات كتير  لجل العلم ..وفيها مقتول بالندم .أو  بلطجة . أو من عدم ..ده قطر راكبينه العباد وكل واحد له معاد متدارى جوة  التذكرة   

ياخلق دايسة فى العتب ..والله حالكم له العجب... لا  اللى معاه فرحه اتنصب ولا اللى غلبان اتحسب والكل ماليه الغضب ..كفاية هلس ونقورة ده الخيبة قاعدة مكورة ..اصحى الكلام مش ثرثرة

لا عاد فيه صحبة طيبة. .ولا محبة قريبة ..والناس غريبة ومتعبة  ..لاعاجبها ضيق  ولا ميسرة 

كله باصص للى معاه ..ويقول ده عايش فى هناه ..خلاص وصل وبلغ مناه ..ولا يوم سأل ع اللى  عاناه من غلب قبل الكركرة 

احسبها من ميت ألف باب واعمل فى خير من غير كتاب واسكت عن اللوم ده العتاب بيرجع الجرح لورا 

ده الموت على آخر الطريق ...وانت وحيد من غير صديق ..ومهما كان حب ورفيق هينط وقت الغرغرة

ارجع لدينك والكتاب ..وهو ده الخط الصواب ..تعيش سعيد من غير عذاب والرب فى القلب المهاب ..تشتاق لك الناس فى الغياب ..والسيرة حلوة معطرة 

تؤمر بخير أو تعمله ..تمشى الطريق وتكمله واللى شرد لاتهمله  .يمكن يعود وتجمله .ابنى الأمان فى المجزرة  

كفاية م العمر اللى راح ..وابدأ مع الحسن الصباح ..تصفى النفوس بالانشراح ..والفرحة تيجى منورة  

يارب تهدى للنفوس ..واحفظ بلادنا من اللصوص .والرزق يخلى من الغموس ...وارحم لخلق عاش يؤوس  ..واعدل خطاوى مدحدرة

صلوا  بنا فجر الحياة ..وادعوا هيسمعكوا الإله ..يكتب مناكم فى علاه .واللى  هيسبق فى خطاه . .فاز بالحياة والآخرة. ..مين ده اللى  يسبق..... ياترى

بقلم - الدكتورة ضحي بركات:

 

 







يمكنك مشاركة الخبر علي صفحات التواصل

اترك تعليق