وأصبح للجنون احتياج

كلمات: ميادة الشربيني



أوقات بنحتاج للجنون
وللحياه الملخبطه 
أوقات بنكره أو نِمل
من حياه متخططه
أوقات كده نحتاج نعيش
 نركن عقولنا منشتكيش
 من فكرها من عقلها
 عايزين ساعات نقولها
 سيبينا بقا 
و مترجعيش 
 نتخلى حبه عن الهدوء 
شويه بس
 عشان نروق 
عايزين نحس بالحياه
عايزين نقول هموم مفيش
هدوءنا مش دايماً سكون
ولا قلب بيطبطب حنون 
دا عقل ف لحظه
 لف كون
حسابات كتير مبتنتهيش 
العقلانيه كتير تضر 
 والحلو فيها داخله مر
 بندفعه من عمرنا
 وليله ورا ليله تمر
 قيود بتخنق أى حد
 مانعيشها سهله 
كفايه جد
العقل زينه إبن اللذين
 بس لحسابات 
عمال يجر
إيه يعنى لو لحظات جنون 
تفصلنا عن شيلة هموم 
العمر بيضيع مننا
ف عقل شغال كل يوم
مانعيش حياتنا 
ما بين وبين
دا واخدنا للروقان حنين
قلق وخوف م الجاي
 شوف
 جريت خلاص بينا السنين
 لازم نعيش حبة جنون
 نركن عقولنا عشان تهون
 الصعب لو يتعاش بعدل 
نتحمله بس بقانون 





يمكنك مشاركة الخبر علي صفحات التواصل

اترك تعليق