• مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

منايا  
لما عيوني عليك دلوني روحي سبحت ويا خيالي


ثلاثيه  للشاعر: ابراهيم حسانين    
 
 
 
1.  ,, ((... منايا  ....)),,
*******
لما عيوني عليك دلوني
روحي سبحت ويا خيالي
قلبي اشتاق وفتحلك بابه
وأنا غمضت عليكي عيوني
خبيت حبك بين أحضاني
جوه القلب يا حلوة وهلي
قلبي بيطرب لما تطلي
كنت اتمنى الحلم يعدي
جوه منامي ياما رائيته
انتي الحلم إللي إتمنيته
لسة الحلم عايش جوايا
بس ياربته حقيفة منايا
إنك تيجي يا فرحي معايا
قلبي أشتاق وفتحلك بابه
لو غمضت عليكي عيوني
لو خبيتك بين احضاني
هابقى دخلت الجنة معاكي
هابقى دخلت الجنة معاكي
***

 
2 .(  يا روح الروح )
بحبك...
بحس انفاسك ونبض قلبك بيحكيلي
عن شوقك ونار الغيرة في عيونك
بتشجيني ...
بترسم صورتي في عيونك
يا روح الروح يا نور قدامي بينور
طريق الشوق وايامي
بحبك ...
بحس انفاسك ونبض قلبك بيحكيلي
عن صمتك وبيفسر حنين قلبك
و في عيونك
يطير قلبي من الفرحة وبيرفرف
يشوف صورتك بيحضنها ويحفظها
و في عيونه بيرسمها ..كما رسمي في عيونك
بحبك ..


 3 -- بنت الأصول

ياست ياللي إتعكز عليكي الزمن 
ده عمري هو الزمن وعشرتي معاكي
وإن قولت مرة الآه ألقاها جواكي
قالوا عليكي في المثل الوتد ..
وأنا راسي بيه على شطك ..
حافظة مركبي من الغرق .. 
وشد حباله في الوتد ..
صابرة ..
والله يا غاليةإن فك حبل مركبي وبعد 
ما يلاقي غير شطك والوتد صلبه
لفييت بعمري والزمن عدى ..!
ولساه بيتعكز على وتدك .. !
صالب عوده رغم الزمن هده ..!
أتاري يا غالية وتدك واقف وراه سندة
يا ست ياللي إتعكز عليكي الزمن 
تعيشي يابنت الأصول
  بعمري أفديكي 
وبالغالي والله ... شاريكي





يمكنك مشاركة الخبر علي صفحات التواصل

اترك تعليق