هيرميس
الجهاز القومى لتنظيم الاتصالات

سفرة رمضان

مطبخ صابرين .. الافطار:فخدة ضاني ..والحلو: تشيز الكنافة للشيف منى قاسم

مطبخ صابرين فى رمضان 

الافطار:فخدة ضاني ..والحلو: تشيز الكنافة ..والمشروب خروب

فخدة ضاني مع ارز مبهر

مقدمة من منى قاسم



 

فخدة ضانى مع ارز مبهر

نصف ملعقة صغيرة من (ملح + فلفل + بصل بودر + بابريكا + بهارات لحمة)ربع ملعقة صغيرة من (قرفة + زنجبيل + زعتر + حبهان بودر)ملعقة كبيرة من (صويا صوص،،باربيكيو,,صلصة,,عسل أبيض و٣فصوص ثوم مفروم

الطريقة: نخلط التوابل ونعمل فتحات في الفخدة من الناحيتين ونتبلها كويس وندخل التتبيلة في الفتحات 

نضع الفخدة في صينية علي ورق زبدة واغطيها بفويل وادخلها الفرن علي درجة حرارة ٢٢٠ في الرف الاوسط ونتابعها بعد ساعة لو وجدنا السوائل جفت وورق الزبدة ممكن يتحرق نضيف قليل من الماء في الصينية ونهدي الحرارة علي ١٨٠  

بتاخد تقريبا من ساعة ونصف لساعتين

مقاديرالارز المبهر: 

لكل كوب أرز بسمتي ٢ كوب ماء

وملعقة كبيرة سمنة أو مكعب زبدة،،ملعقة كبيرةزيت + ورقتين لورا + ٢ فص حبهان + ٣ حبات  قرنفل + عود قرفة + ملعقة صغيرة كركم + ملح 

الطريقة

نضع كل التوابل في الزبدة يسخنوا مع بعض وننزل بالارز ونقلب ونضيف الماء ولما يتشرب نهدي النار لحد ماينضج

ملحوظة : استخدمى الارز الدهبى افضل من الابيض بيكون افضل فى التسوية

 

كب تشيز الكنافة

المكونات:

ربع كيلو كنافة مفرومة

ربع كوب سمن 

٣ ملاعق كبيرة شربات ثقيل بارد

نحمر الكنافة مع السمنة ونضيف الشربات ونقلب ونتركهاتبرد

المهلبية:

ملعقة كبيرة نشا - ملعقة كبيرة  دقيق ،ملعقة كبيرة سكر - رشة فانيليا - ٣٠٠ مللي حليب - مكعب صغير زبدة .

الطريقة 

نقلبهم على البارد ما عدا الزبدة ونرفعهم على النار مع التقليب حتى يصبح القوام سميكا نطفي ونضيف الزبدة ونجهز الكريمة .

الكريمة:

ملعقة كبيرة جبنة كريمي (أو ٤ مكعبات جبنة كيري)

ملعقة كبيرة  سكر بودر

علبة زبادي ١٠٥ جرام 

ملعقة كبيرة كريم شانتيه خام

ملعقة كبيرة جيلاتين بودر مذاب في ٣ ملعقة كبيرة ماء

نخلط كل المكونات ونضيف المهلبية ونخلط كويس

نوزع الكنافة في الكاب ونسكنها كويس ونضيف عليها الكريمة ومن فوق نضيف التوبينج وندخلها التلاجة تتماسك

التوبينج: حسب الرغبة والمتوفر عندك

صوص الشيكولاتة أو صوص التوفي أو الكراميل أو صوص الفراولة أو مربي الحليب أو نوتيلا 

 

مشروب الخروب 

المكونات:

ربع كيلو خروب مجروش 

كوب ونصف سكر 

عصير نصف ليمونة

 نضع الخروب والسكر علي النار حتي يتكرمل السكر ننزل بالماء ونتركه يغلي لمدة ١٠ دقائق لما يبرد نصفيه ونضيف السكر لو احتاج ونضيف عصرة الليمون ويقدم بارد .

 





يمكنك مشاركة الخبر علي صفحات التواصل

اترك تعليق