هيرميس
متقلقش !!!

شعر: أسماء كامل



مَتقلَقش!!!
أنَا بطلَع فُوق جَرحِي
واخطِّي
بس مَابغرَقش
ولا بَسمَح ابدًا
للضَربة انَّها تفتَح
نَـعش 
ولَا يُوم الدنيَا 
ح تِكسَرني 
فـ انزِل مااطلَعش
مَتقلقش!! 

انا زي أموَاج السمَا 
عاليَة وبتبُص 
لفُوق 
لَو نزلِت عَ الأرض 
ف ثَانيَة 
يبقىٰ من الشُّوق 
وف لَحظة بترجَع 
لصَوابهَا 
وخيَالهَا يفُوق 
مَتقلَقش!!! 

دانَا يَاما الدُنيادي 
وهبتنِي 
م القِوَّة جَراح 
جَرحَها لَو علِّم 
وغلبنِي 
بيزيِدنِي كفَاح 
وان ضَّاعفِت جوَّايا 
أوجاعِي 
بغزِلهَـا نجَـاح 
متقلَقش!!!

وبراءِة قَلبِي اللّي 
مَا فَكَّر 
يُوم يجرَح فِيك 
والعَاهَة اللّي سايبهَا 
ف‌عُمـري
وبتِدعِي عَليك 
لَايجيلَك يُوم 
وح تتمنَّىٰ نَظرتِي 
لعنِيك 
مَتقلَقش!!! 

أنا ربِّي وَهبنِي 
من القوَّة 
أضعَاف ماآسِيت
ف‌‌هخلِّي انا غَدرَك
قدَّامِي 
يبنِيلي ف‌ بِيت
يِنتِج أفرَاحِي وكأنِّي
ولَا مَرّة عَانِيت
مَتقلَقش!!!
 





يمكنك مشاركة الخبر علي صفحات التواصل

اترك تعليق