المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

قصيدة شعر للشاعر ناصر دويدار
الشاعر ناصر دويدار يكتب قصيدة بعنوان "ايه اللي فكرني بالموت" عضو اتحاد كتاب مصر وعضو مجلس إداره الاتحاد

إقرأ أيضاً

الخطيب يستعين بـ" عاشور" فى منصب كبير بالأهلى
ترامب يحذر من دمار الولايات المتحدة بسبب كورونا
الصحة: شفاء 80 حالة وتسجيل 36 اصابة جديدة مصابة بفيروس كورونا
تعليق صادم من هيفاء وهبى على ظهور فيروس جديد يضرب الصين بعد كورونا
حقيقة اصابة احمد حجازى بفيروس كورونا
اكتشاف اول حالات مصابة بكورونا فى الاسكندرية تعرف على التفاصيل

ايه اللي فكرني بالموت
............
إيه اللي فكرني بالموت النهارده
وإزاى نفدت منه مرتين سابقين
والتالته راح تيجى منين
ياهلترى راح تيجى من ورده
ولامناهده بين اتنين
طلعوا الحياه آدم وحوا
ورجعوا منها متفرقين
الناس هدوم وبترفرف الابدان
من جوه
بدن بيمشي بمنتهي القوه

وبدن علي عكازين
إيه اللي فكرنى بيكى النهارده

رعشه المزيكا

بتصحى الحنين
الله يجازى الكمنجه

بتلم العياط

علي بعضه

فرح
علي حزن مدارى

علي جبر خاطر

علي إيدين متدفيين

ف ريشه العواد

مع قفله الكوبليه

والمطرب الشعبي طوح صوته بعيييد

ياليل ياعين

إيه اللي فكرني بعينيكى النهارده

صوت المطر بره

وكتفي المبلولين
من طرطشت عياط الناي

هدومى بلتها المسافه اللي بين كرسيين

إيه اللي فكرني بالورده؟

الشوك
والكمنجه

والضوء اللي بيلم طرف فستانك

غرقونى حنين








يمكنك مشاركة الخبر علي صفحات التواصل

اترك تعليق