المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

عمرو أديب لعلاء مبارك: جبت الملايين ديه منين هو انت كنت بتشتغل ايه
وجه الإعلامي عمرو أديب فى برنامجه الحكاية المذاع على فضائية «إم بي سي مصر»، تساؤلاً لعلاء مبارك قائلاً

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

وجه الإعلامي عمرو أديب فى برنامجه "الحكاية" المذاع على فضائية «إم بي سي مصر»، تساؤلاً لعلاء مبارك قائلاً: الفلوس اللى فى سويسرا دى بتاعة مين؟الفلوس دى مثبتة من الحكومة المصرية والسويسرية؟.. جبت مئات الملايين دى منين؟ مفيش واحد فى مصر مكنش عارف انت بتشتغل فى ايه؟ هو علاء مبارك كان بيشتغل ايه؟.. انت اللى جبته لنفسك، عمرى ما قربت لكم".

وأردف أديب :"علاء بيه انتهى، لا انت ولا جمال بيه هترجعوا تانى، مش هتحكموا تانى، جايز ترجع تاخد فلوس سويسرا تانى؟ الفلوس دى منين يا علاء؟ خلّص نفسك بعدين دوّر عليا"، مضيفاً:"مين اللى ولع فى عربيتى يا علاء؟، ومين رمى عليا مية نار؟، المصريين عندهم زهايمر وفاجأة داخلين بيقولوله علاء بيه، اللى زيك برة مبيكونوش موجودين خلاص، انتو نظام وانتهى".

واستطرد: "أنا قاعد لك.. يا أنا يانت.. معنديش حاجة أخاف منها، لو انت مش عاجباك البلد اكتب قول.. هيجرالك ايه أكتر من اللى جرالك.. ماهو العيل السوء.."، مضيفاً:"هى مش مشكلة شخصية بس.. هو مين اللى كان فى الشارع يوم 25 يناير، انت يا علاء قلت لناس فى يناير جمال هيودينا فى داهية.. انت عارف اللى أنا بقوله صح.. وانت كنت عارف انكم رايحين فى داهية".

مردفاً:" أنا مش مجننى اللى كتبه علاء مبارك عنى.. اللى مجننى الناس اللى حواليه والمحبة.. أتحدى حد يقولى علاء كان بيشتغل ايه؟".

كان علاء مبارك، نجل الرئيس الأسبق محمد حسني مبارك، نشر فيديو تم تداوله الفترة الماضية عبر منصات السوشيال ميديا، يتم فيه المقارنة بين تصريحات الإعلامي الكبير عمرو أديب عن الرئيس الأسبق، أثناء تواجده في الحُكم وبعد تنحية عن الحُكم بعد ثورة 25 يناير، على طريقة “قبل وبعد”.

ونشر علاء مبارك الفيديو عبر صفحته الشخصية بموقع تويتر، وكتب عليه قائلًا:”بدون تعليق”، ليثير بعدها الجدل بين مُتابعيه.

واستنكر «أديب»، حديث البعض عن أبناء الرئيس الأسبق بلقب «البيه»، قائلًا: «مش ده الراجل اللي نزلتوا شيلتوه، الراجل ده عمل إيه هو وعيلته، إن كنتوا نسيتوا اللي جرا هاتوا الدفاتر تتقرا، مش على آخر الزمن واحد رد سجون يعلمنا الأدب، أنت اللي جبتوا لنفسك»، حسب تعبيره.






يمكنك مشاركة الخبر علي صفحات التواصل

اترك تعليق