• مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

طيِّب ياشوق

    



شعر: أسماء كامل

طيِّب ياشوق
يامعشّش ف قلوبنا
وبتكوي ف العروق
هنقدر امتى ننسى
ولّا منك يوم نفوق

يا مطوّل ف السنين
يا مصحي فينا ذكرى
قايدة جوّانا الحنين 
هاييجي امتى بكرة
نفسي افرح لو يومين

ياساكن ف الاهات
يامعذب فينا روحنا
ومبكينا ع اللي فات
امتى يهدى 
ف يوم وجعنا؟ 
إمتى تصبح ذكريات؟ 

ياصاحي ليل نهار
ياسارح بين جوارحي
ومعلِّم بإنكسار
لو تنسى 
ف يوم ملامحي
أو تسيبلي الاختيار
هداوي بإيدي جرحي
ويومها هعلن الانتصار 
 





يمكنك مشاركة الخبر علي صفحات التواصل

اترك تعليق