المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

كراكيب أميرة

ضــــل راجــــــل
 أميرة الزيات
أميرة الزيات
أوقات كثيرة أوى علامه التعجب والإندهاش بتترسم على وشى

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

بقلم / أميرة الزيات

 


أوقات كثيرة أوى علامه التعجب والإندهاش بتترسم على وشى ! .. شكلى بيبقى غريب ملفت للنظر لكل الى حوليا ومش بعرف أسيطر على تعبيرات وشى . 


دة كلها بتبقى تغيرات فسيولوجية بتحصلى وده امتى بقى ؟! أول لما بسمع .. "ايه يا حبيبتي. انتي ليه متجوزتيش لحد دلوقتي؟.. مفيش عريس جي ف السكة ؟.. إوعى تكونى مش عاوزه تتجورى ؟! دا حتى إللى قبلنا قالوا ضل راجل ولا ضل حيطة"تبدأ المرحلة الفسيولوجية تبان عليا..راجل إيه؟ وضل إيه؟ وحيطه إيه؟! مش الأول نعرف مين الراجل دا وإيه مدى ضله؟مش يمكن وهى تحت ضله يقع عليها وينزل بيها تحت وهى تحت ضله في أمان الله؟! أو يسيبها وضله اللي يبقي في أتجاه تانى؟! الرجاله أنواع كتيرة منهم:

1-    الشكاك – شك مش غيرة: 
 بين الشك والغيرة خيط رفيع أوى: فلازم تخلى بالك يعنى مثلاً يقولك "إنتى فين؟! في البيت مش مصدق" ويتصل بيكي علي تليفون البيت علشان يتأكد،  تقوليله "أنا خارجة مع صحابى" يقولك "ممنوع" أو يقولك "صحابك مين ؟ إنتى متأكدة؟ طب صوريلى نفسك وكل اللي حواليكى وإللا أقولك كلمينى فيديو كول لأ أحسن إعمليلى chikin  للمكان اللي إنتى فيه"!وغير كدا كتير..مش غيرة‘ دا شك.(ابعدى عنه)


2-    السلبى-إللى لا بيصد ولا بيرد:
يقولك ماشى على أي  حاجة.
"- طب إيه رأيك ؟- إللى إنتى شيفاه. 
- طب أعمل إيه ؟-إعملى أى حاجة.
- طب الموضوع دا مش عارف اْخد قرار فيه؟
- مش عارف إعملى اللى إنتى شيفاه".
ولا تعرفى تاخدى منه أى كلمة ولا تعتمدى عليه في أى حاجة... سلبى منعدم الشخصية بلاش منه.


3-    ابن أمه – ابن مامي:
مامى  إللى ممشياه يمين يمين شمال شمال، ربته علي إنه يرجعلها في أى قرار،  ميعرفش يعمل حاجة من غيرها بتحسى إنك متجوزاه هو وأمه مش لوحده!
(دا مش لينا). 


4-    ابن العيله كلها:
وبرضه زى ما فيه ابن أمه فيه ابن العيله كلها!
سواء دا أو دا مايختلفوش عن بعض كتير،  زى  ما هتلاقي كل حاجه بتحصل بينكم عند أمه هتلاقى كل حاجه عند العيلة كلها!مفيش حاجه أسمها سر بينكم ولا البيوت أسرار يافضحك عند أمه يا عند العيله ؟ 
( كله ألا ده) 

5-    الدكتاتور : إللى الكلمة كلمته  و الرأى رإيه  
مافيش ولا رأى ولا كلمه ليكى، حتى فى الحاجه اللى تخصك اللى يقول عليه يمشى؛ سى السيد حضرته وتبقى عايشه معاه ألــه تنفيذ أوامر مش أكتر؛  لكن إنسانة ليها فكر وعقل ورأى لا متفكريش
( سى السيد أى ؟!ميخصناش)


6-    البخيل: والبخل مش بخل فلوس بس 
البخل عموما بيبقى بخل فى كل حاجه.. فى المشاعر .. فى الوقت..  مابيعرفش يحب؛ يبخل فى وقته اللى ليكى  ومشاركته فى حياتك.  فى وجودة جنبك.. كل دنيته هو وبس .. وبردو بخيل فى فلوسه . مش عاوز يصرف عليكى يعنى تتعشى ولا تنامى خفيف ؟! بخيل فى كل حاجه تتخيليها أو ماتتخيلهاش ( دة لوحده نصيبة ) 


7-    التافة – اللى شخصيته مالهاش فى اى حاجه : 
متفهميش هو عايش بيعمل أية ؟! أو إيه كينونته فى الحياة ! ملطشة ليكى ولغيرك،  ملوش شخصية.  تافه بيبقى ناقص فى عينك وعين غيرك،  وعمره مهيملى عنيكى. يالهوى..  ناقص ؟! ( لا بلاش ) 


8-    النرجسى – المغرور فى نفسه : 
صاحب كلمه أنا، إللى حاسس بنفسه إنه كتير عليكى،  وإن من حسن حظك إنه بقى ليكى، ومش أمك بس ده العالم كله دعيلك أنه يكون معاكى ويبقى نصيبك، حاسس بنفسه أوى إنه كتير عليكى،  مهما كنتى إنتى أيه هيفضل يمحى فى شخصيتك ويقلل منك علشان يبان . ويوصلك أنه تكرم وتعطف وتنازل منه إنه أتجوزك.. مريض بالآنا.. هو إحنا ناقصين مرض كله إلا المرض ) 


9-     ابو عين زايغة : 
بتاع الستات إللى ميملاش عينه غير التراب مهما تعملى زى ما بيتقال إنك مولعة صوابعك العشرة شمع ده إنتى حتى لو ولعتى فى نفسك مش هاتملى عينه ولو عملتى مرة هنديه ويابانيه وسورية وخدامة وأميرة . ولو حتى عملتيلو شخصيات ديذنى، إللى فيه داء مش بيبطله،  العيب مش فيكى ولا فيه، هايبهدلك وهايخلى عينك فى وسط راسك . ويحسسك إن انتى فيكى حاجة ناقصة؛ علشان كدا – يا حرام ! – بيبص لغيرك،  وإن العيب فيكى مش فيه. 
إيه رأيك ؟!
إحنا ناقصين وجع دماغ ! ونجيب صحه منين للهندية و الأفريقية . 
( لا..لا : دى الصحة غالية ) 
وطبعا الكلام يطول، والأنواع لا تعد ولا تحصى ،  وده كله نبذة مختصرة:  أصله نوع جبار يتقال فيه أشعار،  فمش هنخلص . 
إوعى تتجوزى حد منهم يعنى إوعى تتجوزى أحسن،  هو أكيد فى رجالة كويسين دول بيبقى شواذ القاعدة : ما لكل قاعدة شواذ . 
دول مش هانجيب سيرتهم بس لو قابلتى حد منهم امسكى فيه. وإوعى تسبيه وإتجوزيه،  وهاتيلى واحد منهم، هاتيلى راجل من نوع الباندا من الفصيلة النادرة .                            
                                                       


No



يمكنك مشاركة الخبر علي صفحات التواصل

اترك تعليق