أخبار التعليم
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

يوميات مهندس مشاكس

خروجه مع زوجتي
قلت اعمل زي بقيه خلق الله واخرج مع مراتي افسحها .

إقرأ أيضاً

عايدة رياض تتحدث عن أزمة قضية الآداب بعد ٣٧عاما
زينة تبكى على الهواء طلبت من احمد عز التبرع لأولاده بالدم وكان الرد صادم
لأول مرة .. زينة تفجر تصريحات خطيرة عن أسرار ارتباطها وزواجها باحمد عز
رسالة مؤثرة من زينة الى احمد عز
اول تعليق من ياسمين عبد العزيز بعد شائعة ارتباطها بالفنان احمد العوضي


قلت اعمل زي بقيه خلق الله واخرج مع مراتي افسحها .

طيب نروح فين ؟

نروح فين ؟

ايوه هي بتحب السراج مول .

بس المشكله انها بتقعد تلف علي المحلات دون كلل او تعب .

و بمجرد وصولها يدب فيها نشاط غريب

وببقي عمال اجرجر في رجلي مش لاحقها وياريت بعد كل ده بتشتري
لا دي بس بتتفرج .

قعدت افكر اعمل ايه .

قولتلها ايه رأيك تجيبي اختك معاكي علشان تغير جو ؟

طبعا انا قولت نروح كلنا السراج ، تتسابق بقي هي وأختها يتفرجوا علي المحلات

واقعد انا في مكان كده علي جمب ولما يخلصوا نمشي .

يبقي اسمي خرجت معاها وفي نفس الوقت قعدت وريحت .

ولكن تأتي الرياح بما لا تشتهي السفن .

بعد مرور ساعات كتير مش فاكر قد ايه

مراتي كلمتني
الووووو .......ايوه انت فين ؟

بخاف انا دايما من سؤال انت فين ده ؟

قولتلها : انا هنا في السراج .

قالتلي طيب احنا خلصنا
قابلنا عند البوابه اللي ناحيه ماكدونالدز .

المهم اتحركت علشان أقابلهم عند البوابه من داخل السراج .

واحنا خارجين قولت لمراتي اسبق انا اجيب العربيه .

قالتلي ماشي .

مديت ٣ او ٤ خطوات علي السلم واذ بي افاجئ بصاروخ ارض جو

آه والله زي مابقول لحضراتكم كده

واحده بسم الله ماشاء الله عليها تبارك الخلاق.

ولاقيت الحوريه دي في مواجهتي من بعيد

وأول ما شافتني وهي واقفه في مكانها
فتحت ذراعيها وابتدت تقترب مني لتحضنني قائله باعلي صوتها حبيييييييبي .

الي كل رجال العالم .

انه لمن اصعب المواقف التي تمر بها عبر مشوار حياتك الطويل كله ان تواجه موقف كموقفي هذا .

الجنه بعد لحظات بل ثواني ستكون في احضانك .

ومن خلفك الطوفان ( اللي هي مراتي ) بكل قوته وعنفوانه وسوف يأتي علي الاخضر واليابس .

اقسم بالله اني تسمرت في مكاني من الذهول والخضه .

وكل اللي دار في مخيلتي في لحظات منظر مراتي وهي تري هذا المشهد العنيف الذي لم اره ولم تراه هي في اشد افلام الرعب بشاعه .

وكمان هناك شاهد من اهلها

اختها حتكون معاها وحتبصملها بالعشره علي الخيانه بقي ، وان الرجاله ملهومشي امان والي آخره من الكلام الغير منقطع النظير للمواساه في مثل هذه المواقف .

وفي ثواني حاولت ان اتذكر قيمه المؤخر اللي كنت ماضي عليه في عقد الزواج كان كام .

و طبعا لم تسعفني ذاكرتي المريضه في هذا الموقف العنيف ان اتذكر قيمه المؤخر .

وحانت مني التفاته خاطفه خلفي لاري الطوفان
اقصد لأري زوجتي .

والله العظيم اني لقيت عينيها مفتوحه عن آخرهما ومتسمره في مكانها وماسكه في ايدين اختها بقوه .

# دعوني التقط بعضا من أنفاسي لاني كلما تذكرت هذا الموقف بجد بنهج وبتعب جدا .

المهم رجعت برأسي الي الامام

واسلمت نفسي وروحي لما هو قادم ومش عارف ابلع ريقي من الذعر .

وكما يحدث في الكاميرا الخفيه تمر هي من جانبي ليظهر رجل من خلفي لا اعرف من اين ظهر " ابن المحظوظه "

لترتمي هي في احضانه

وارتمي انا علي الارض لاسجد سجده شكر لله .

طبعا التفت بكل جسمي لاواجه زوجتي ورأسي مرفوعه بكل فخر وعزه

لأجدها تنهار وتكاد تسقط علي الأرض

وجريت عليها وحاولت انا واختها تسنيدها حتي لاتقع علي الأرض
وهي بتنهج وتحاول التقاط انفاسها بصعوبه وحاولت تهدئتها .

انا : اهدي ياحبيبتي مالك بس في ايه ؟ .

مراتي : تنظر لي نظره توعد وهي تقول نهارك كان حيبقي منيل انت وعيلتك كلها .

انا : وانا بس عملت ايه .

زوجتي : عملك اسود ومنيل
انت بجد ناوي تخلص عليا .

انا : بينا علي البيت
انا كان مالي ومال الخروج .

# الحمد لله الذي تتم به الصالحات

بجد كنت حروح فيها لو الست دي كانت بتشبه علي مثلا او افتكرتني حد تاني .

اسمحولي أقوم اسجد سجده شكر كعادتي دائما كلما تذكرت هذا الموقف .

دمتم بخير
 







يمكنك مشاركة الخبر علي صفحات التواصل

اترك تعليق