• مصر
  • Loading...

رئيس مجلس الإدارة
إياد أبو الحجاج
رئيس التحرير
عبد النبى الشحات

يوميات مهندس مشاكس

جبر الخواطر

   



يكتبها: تامر راغب


ذهبت لزياره أحد اقربائي بعد اجرائه لعمليه جراحيه في  مستشفي كليوباترا .
الركنه هناك بالعربيه مأساه بكل المقاييس 
المهم السايس طلعلي فجأه من تحت الارض واتفضل ياباشا ويمينك شويه ياباشا وهووووووب تمام كده .
نزلت من العربيه والسايس عمال يبصلي ويدقق النظر فيا قوي بطريقه غريبه
دخلت المستشفي وزرت قريبي وطلعت بعديها بساعه تقريبا .
ادور علي السايس مش لاقيه وعربيات كتيره واقفه جمبي وامامي ومقفله عليا وانا مش عارف اتحرك بالعربيه .
وفجأه ظهر السايس من العدم .
السايس : امرك ياباشا حالا افضيلك الدنيا .
و تاني عمال يبصلي قوي ويبحلق فيا بطريقه مستفزه .
السايس : هو حضرتك دكتور هنا ؟
انا : لا مش دكتور .
السايس : هو حضرتك وكيل نيابه ؟
انا : بنصف ابتسامه علي وجهي ورديت قائلا
لا مش وكيل نيابه .
السايس : طيب والله شفتك ياباشا قبل كده .
انا : شبه ابتسامه علي وجهي وقولتله : 
هو انت مبتتفرجشي علي افلام ولا تليفزيون  ولا ايه ؟ 
السايس : اول ما قولتله الجمله دي لقيته نط بنصف جسمه من الشباك اللي جمبي ومسك ايدي يسلم علي بحراره منقطعه النظير وقعد يقول 
ايوه وعهد الله ايوه 
وعهد الله انا بقول شفت حضرتك فين 
منور الدنيا كلها يانجم النجوم 
انا : تسلم ياحبيبي انت اسمك ايه .
السايس : خدامك محمود ياباشا .
انا : طيب حتسيبني واقف كده بالعربيه يامحمود عايز اطلع .
السايس : وقفلي الشارع كله وهو عمال يهيص 
" وسع للنجم ياجدع "
" احلي سلام لنجم النجوم "
" الف سلامه ياباشا "
والناس كلها وقفت تتفرج
كل ده علشان اصحابه يشوفوه ، والظاهر افتكرني حماده هلال زي ماناس كتير بتقولي 
اهو برضو انا فرحت السايس بتواضعي 
اهو جبر الخواطر مش بفلوس ياجماعه 
اسعد الله أوقاتكم
ودمتم بخير





يمكنك مشاركة الخبر علي صفحات التواصل

اترك تعليق