المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

يوميات مهندس مشاكس

توكيل العربيه

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

بقلم: تامر راغب

في البدايه احب اعرف حضراتكم اني من عشاق اكل الشيبسي ، كرانشي ، شيتوس ،........الخ
واي حاجه من دول بطعم الشطه ، وكل اسبوع اروح اجيب كيس كبيييييير ضخم علشان اقعد اتسلي في الحاجات المشطشطه دي .

من يومين اشتريت التموين الاسبوعي من الحاجات دي وحطتها في شنطه العربيه .

النهارده بقي كنت حاجز ميعاد لصيانه عربيتي في التوكيل ولما روحت طلبوا مني اخذ اي متعلقات شخصيه من العربيه ، وبالفعل اخدت كل المتعلقات الخاصه بي الا الكيس الكبير اللي مليان شيبسي وكرانشي والحبشتكنات اللي قولت لحضراتكم عليها ، سيبته في شنطه العربيه .

وبعد ما المهندس المسئول عاين العربيه وسلمته المفتاح والرخصه ، دخلت قعدت في صاله الاستقبال الكبييييييره .

أخترت آخر القاعه بعيدا عن زحمه الموجودين ، وقعدت علي كرسي مريح ، والتكييف طبعا شغال وقاعد مستمتع بالقعده تماما ومسكت الموبايل واخذت اتصفح الفيس بوك .

دقائق وسمعت المهندس اللي استلم مني العربيه واقف في اول صاله الاستقبال بيدور عليا وبينده علي اسمي .

المهندس : المهندس تامر راغب ، المهندس تامر راغب 

انا : رفعت ايدي وانا قاعد قائلا ايوه يافندم انا اهو 

المهندس : راح رافع كيس الحبشتكنات اللي مليان شيبسي وكرانشي وشيتوس وراح قايلي باعلي صوته وهو مبتسم وبيهزر وبيرفع الكيس عاليا  
" مينفعش يافندم تدخل بعربيتك التوكيل وهي فيها المتفجرات دي "

هو حضراتكم قال جمله " المتفجرات " دي  والناس اللي موجوده في صاله الاستقبال اتنفضوا من الخضه والرعب من رجاله وستات ولقيت نظرات الناس بتبصلي برعب وخصوصا انهم مش عارفين ايه اللي جوا الكيس الكبير المليان اللي المهندس ماسكه في ايده .

انا : قمت من علي الكرسي وبصوت مبحوح وبحاول اضحك وبرد عليه بصوت عالي علشان الكل يسمع 
" ايوه ده كيس فيه شيبسي وتسالي " ههههههههه وضحكت زي الاهبل وانا في نص هدومي .

طبعا الناس بعد ما اطمأنت 
اللي اخذ نفس عميق 
واللي قعد يحسبن 
طيب انا بس ذنبي ايه 

 المواقف اللي بتعرضلها دي بجد ملهاش نهايه 

انا تعبت ياجماعه وسني اصبح لا يتحمل مثل هذه المواقف .

بس يمكن ده من حظكم علشان تقروا يوميات مهندس كان مشاكس من زمان وتاب والله خلاااااص 

أسعد الله اوقاتكم
ودمتم بخير
 





يمكنك مشاركة الخبر علي صفحات التواصل

اترك تعليق