بطاريات منصور
أخبار التعليم
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

تعرفى على طريقة عمل المفتقه بطريقة بسيطة واحترافية أو تسمى ( الحلبة المعقودة)
هقدملكم الطريقة الاحترافيه


مقدمة من شيف ايمان حمدى الحماقى

 

 والطريقة البسيط للحلبه المعقوده 

 
اولا الطريقة الاحترافيه 
المقادير
كيلو عسل اسود
نصف كوب زيت دره
نصف كوب تحويجه صفراء من عند العطار
2 جرام مسيحات من عند العطار
4 جرام حبه خضراء من عند العطار
7 جرام كتيره ضانى من عند العطار
تمن كيلو حبة البركه
ربع معلقه صغيره ملح ليمون مدوب ف معلقة ميه
سمسم . فول سودانى مجروش وجوز هند
ممكن اضافة اى مكسرات اخرى مثل اللوز وعين الجمل والبندق
الطريقه
المرحلة الاولي هي نقع بعض المكونات
( الكتيره الضانى . الحبه الخضراء . حبة البركه )
اول حاجه حطيت الكتيره الضانى في كوباية شاي و زودت عليه ميه مغليه وسيبيها علي جنب
بعد كده طحنت حبة البركه ناعم اوى وحطيتها ف طبق صغير فيه معلقتين كبار عسل اسود وقلبتها كويس لحد ما بقت زي العجينه
الحبه الخضراء طحنتها ف الكبه ونقعتها ف 3 ملاعق كبيره زيت بتفضل حوالي 12 ساعه
يعني اعمليهم بالليل وابدئي التسويه الصبح مثلا
 
مرحلة التسويه
هنشتغل فى حله كبيره لانها بتفور
وضعت مقدار من الزيت وكسرت المسيحات واما الزيت اتقدح حمرت المسيحات فيها لمدة دقيقه
اول ما ريحتها طلعت حطيت نصف كوب تحويجه صفراء وقلبت لمدة 3 دقايق
بعد كده نزلت مقدار العسل كله وقلبت كويس اوى
ضربت الكتيره الضانى مع الميه اللى كانت منقوعه فيها فى الخلاط كويس جداً و ضفتلها العسل اللى على النار مع التقليب
ضفت حبة البركه المنقوعه فى العسل للمكونات اللى على النار وقلبت كويس
بالنسبه للحبه الخضراء المنقوعه في الزيت صفيتها فى مصفا وخدت الزيت الناتج منها وضفته لباقى المكونات
فضلت اقلب لحد ما المكونات تقلت وخدت قوام المربه حوالى 10 دقائق ضقفت ملح الليمون المدوب فى الميه وقلبت كويس
ضفت نصف كوب زيت فى حله صغيره وحمرت فيها السودانى والسمسم وجوز الهند لحد ما خدوا لون احمر حلو وصفيتهم من الزيت وضفت الزيت على المفتقه وشويه من المكسرات المحمره وقلبيها والباقي زيني بيه وقت التقديم
 
ثانياً الطريقة البسيطه
طريقة عمل المفتقه البسيطه او الحلبه المعقوده زي ما بيسموها 
مقاديرها
4كوب عسل اسود
ربع كوب حلبه مطحونه
2ملعقه كبيره دقيق
نص كوب سمسم
نص كوب زيت ذره
كوب سودانى مجروش خشن وجوز هند وممكن اى مكسرات عندك
ملعقه كبيره مغات
الطريقة
اولا حطي فى حله العسل على الحلبه على المغات وحطيهم علي النار يغلوا حوالي خمس دقائق مش اكتر لان لو سيبتيها علي النار كتير بتمرر
وتجيبي طاسه وتحطي معلقتين زيت وبعدين الدقيق وتحمريه لما يبقى لونه انقر كده وبعدين السوادنى والسمسم
وحمريهم شويه
ضيفى اللى فى الطاسه على العسل اللي في الحله وسيبيهم يغلوا حوالى 5دقايق
واما تبرد احفظيها فى برطمان نظيف وجاف
 
شيف ايمان حمدى الحماقى
من مطبخ صابرين






يمكنك مشاركة الخبر علي صفحات التواصل

اترك تعليق