بطاريات منصور
أخبار التعليم
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

تأخر الإعلان عن تعاقدات المعلمين.. يؤرق المدارس ويقلق المتسابقين
منذ ان اعلنت وزارة التربية والتعليم عن حاجتها لـ 120 الف معلم لسد العجز وفتح باب التقديم لتعاقدات المعلمين في جميع محافظات الجمهورية وتعيينهم بعقود مؤقتة, تسارع آلاف المعلمين بتقديم اوراقهم والشهادات المطلوبة عبر البوابة الالكترونية بعد معرفة الشروط الخاصة بالتقديم.

 

 

إقرأ أيضاً

تايم سبورت تعلن اذاعتها لمباراة الاهلى والهلال السودانى

وفاة الشيخ محمد حسان تتصدر

كواليس رجوع حمدي النقاز للزمالك وقيمة التعاقد

احمد سعد : لن اسمح بحبس سمية الخشاب .. فيديو

تردد القنوات المفتوحة الناقلة لمباراة الاهلى والهلال السودانى

بث مباشر

بث مباشر مباراة الاهلي والهلال السوداني بث مباشر اليوم الجمعة


وكانت الوزارة قد حددت مدة مراجعة مستندات المتقدمين لشغل وظيفة معلم 10 أيام مع الجهات المختصة، على  أن ترسل رسالة إلكترونية لكل معلم ينطبق عليه الشروط في التعيين، من البوابة تطلب منه الذهاب إلى المدرسة التي سيتسلم فيها عمله الجديد وسيجد عقده هناك, ولكن هذا مالم يحدث على ارض الواقع.

فمنذ اعلان الوزارة عن فتح باب التقديم في التاسع من اكتوبر الماضي و حتى الان اي قرابة الـ 26 يوما و لم يتم الرد على المعلمين سواء بالقبول او الرفض ولم يجدوا سوى جملة "قيد المراجعة" كلما  حاولوا معرفة حالة طلبهم ما اثار غضب وقلق المعلمين.
عبر المعلمون عن استيائهم من طول مدة مراجعة اوراقهم وعدم ايفاء الوزارة بعهدها حينما اعلنت ان النتيجة ستظهر في خلال 10 ايام فقط.. 

حيث قالت الهام سالم "عشر ايام اي بس مفيش اي مصداقيه  احنا مقدمين من اكتر من عشرين يوم والمرحله الأولى دي من عشر ايام واكتر ولسه ماانتهتش وعبرت عن ضيقها قائلة :اولا مشكلتنا قديمه وكل الجهات عارفاها بس بيتغاضوا عنها ومش عارفه ليه  ومحدش بيجيب حلول عمليه او بينفذ اي حلول حتى, احنا عندنا دلوقتي تقريبا عجز صارخ ف جميع المدارس ومحدش حتى من اللي ف المدرسه قادر انه يقول حاجة ,  مدرسة بنتي فيها فصل حضانه مفيهوش اي مدرسين بيقعدوا مع الأطفال فراش المدرسه لحد ماحد من بتوع الخدمه ييجي او مدرسه عندها حصه فاضيه والقاعتين التانيين مش موجود فيهم غير مدرسه لكل  قاعه فتخيلي 3 قاعات فيهم بس عجز 4 مدرسات بالاضافه لمعلمة انجليزي دا ف الحضانه بس, مابالك بالفصول, كل اما حد ينزل مدرسه يفضلوا يقولوا مفيش عجز وسوء توزيع طب ما توزعو مستنيين  اي, أو حتى شغلو الناس اللي كانو متعاقدين قبل كده حتى لو عقدهم انتهى ما كل الاساتذه اللي كانو شغالين بعقود كانت بتبقى منتهيه او كانت بتبقى 6 شهور وترجع تتجدد, حاليا المسابقه  نزله من يوم 9 أكتوبر والبوابه فتحت من يومها والناس بدأت تقدم من بعدها وقالو اول مرحله مدتها عشر ايام وبعد كده خمس ايام انا متعاقده سابقه ومقدمه من يوم 14 ولسه عندي حجات قيد المراجعه  واصلا بدأوا يراجعو الورق من يوم 30 أكتوبر يعني بقالي 28 يوم ولسه كل الورق متراجعش, وقالو الاعداد كتير وف تزايد طيب انتو قلتو اول دفعه هتنزل شغل 9 نوفمبر.. فين بقى كلامكم ولسه  اصلا مدخلناش ف المرحله اللي بعد كده ولا انتم مستنيين اما كل يقدم وتفاضلوا.. طب ازاي؟"


واضافت الهام :"ازاي سيستم مصروف عليه اد كده ولسه مفيش مراجعات ولا ف نظام عليه , وبعدين هو نائب الوزير واخد الموضوع عند مع المتعاقدين السابقين ولا اي محدش فاهم,  ليه مينزلناش شغل  وبعدين ناخد الشهادات اللي طالبها ف مدة 3 شهور زي ماقال وبردو اللي مياخدهاش يستبعد دا لو فعلا عاوز يسد العجز"
 قالت اسراء خلف : "انا مقدمة بقالي ٢٢يوم ولسه قيد المراجعه ده معناه ايه حد يفهمنا وليه الوزارة ملتزمتش بال10 ايام زي ما قالوا" واضافت نور محمد : "انا ليا 24يوم مقدمة ولا مستند اتقبل عندي  ازاي دا والوزارة بتقول 10ايام ممكن افهم في ايه", قال حمزة جاد : انا لسه اوراقي قيد المراجعه بقالى٢٥ يوم ممكن اعرف لحد امتى هيفضل كده, وياريت الوزارة حد فيها يرد علينا هيعلنوا المقبولين والمرفوضين امتى" , مروة دعبيس قالت :"انا قيد المراجعه بقالى ٢٣يوم كده خلاص استبعدونا ولا ايه حد يرد علينا" وقال محمود العربي: "10 ايام ايه دا الورق بقاله 23 يوم قيد المراجعه ومش عارفين المراجعة دي هتخلص امتى ولا الوزارة ادتنا  وقت معين تعلن فيه النتايج وسايبنا كده منتظرين وخلاص", واضاف محمد عليوة : "انا مقدم يوم ١٦اكتوبر ولسه قيد المراجعة.. ليه القائمين على الوزارة مش بيبلغوا الناس بموعد نهائي لاعلان النتايج  عشان نتطمن فقط لا غير حتى لو مراجعة الاوراق هيستغرق سنة, بس على الاقل عشان الناس ترتاح".
وتساءل صالح ابو جبل و احمد عوض و عصام صلاح نفس السؤال" امتى هيعلنوا النتايج.. لحد دلوقتي اوراقنا قيد المراجعه بقالها أكتر من عشرين يوم ولسه منتظرين وكل شوية يغيروا في الشروط  والشهادات المطلوبة", وقال سيد ابو زيد :"باقي اوراق الدراسات العليا والسيره الذاتية بقالي أكثر من أسبوع عايز اعرف ما الخطوة القادمة بعد قبول الاوراق مراجعه الدراسات العليا والسيره الذاتيه من  اخر مراجعه بقالها اسبوع من اخر حاجه مقبوله ايه السبب".


كما كشف عدد من المدرسين عن بعض المشاكل التي واجهتهم اثناء التقديم على البوابة الالكترونية قالت نهلة سعيد : "انا كل مابحدث بيرفض ودلوقت مش راضي يحدث اعمل ايه وبعت رساله قالولي لازم  ترفعيه من كمبيوتر مش من موبيل وهيقبل, طيب انا رفعت وصل نور بالخطأ بإسم زوجى وانا بالبطاقه آنسه بس ساريه ومغيرتش العنوان هو نفسه واترفض ممكن ارفع اقرار السكن ولا اعمل ايه لان  كتبت انه لزوجى واترفض تانى وانا مقدمه من موبيلى فبيقوبى كل مره خطأ فى الخادم كل شويه بقالى ٥ ايام".

واوضحت اسماء محمد : "انا والله تعبت بقالى اسبوع مشكلتي ان رسالة الرقم القومى او  السرى غير صحيح سجلت تانى من ايميل تانى ومفيش فايدة ومفيش رد وعايزة اسجل اعمل ايه وبعت الرقم القومى ومحدش رد برضه" و قال محمد السيد : "انا شهاده الميلاد كانت مقبول لمده 10 ايام  تقريبا وبعد كده اتغيرت لمرفوض وكاتبين اسم والدتى ف تعليق المراجع مش فاهم اى سبب الرفض واسم امى صحيح 100%", محسن رشاد قال :"انا حجزت على النت لحين استكمال باقى أوراقي ولكنى كتبت رقم البطاقة خطأ ولما استكملت أوراقي واريد فتح الموقع لكي أسجل الموقع يقول رقم البطاقة او الرقم السري غير  صحيح . افيدوني اعمل ايه".

قالت حياة محمد :" بيانات المؤهل الخاص بى تم تبديلها محتاجة انى اعدلهم عشان مش بياناتى وفى وصف المستند الخاص بشهادة الميلاد والقيد لم يرفع, انا غلطت فى البيانات وعلمت ع اتم الخدمة  العسكرية بدل الخدمة العامة ورفعت شهادة الخدمة العامة فى خانة الخدمة العسكرية والمراجع يرفض وعاوزنى ارفعها فى خانة الخدمة العامة اعمل ايه وهل ممكن يتفتح تعديل البيانات مرة تانية ولا ايه  الحل؟".


ملك محي : "لو سمحتوا انا دلوقتى بنت واللى قدملى نزل الافاده بتاعه الخدمه العامه واتقبلت وماعرفش ازاى اختار برضو خانه الخدمه العسكريه اللى هى المفروض للذكور وبرضو نزل فيها الافاده  بتاعه الخدمه العامه وبيجيلى انها مرفوضه وكل شويه يعمل تحديث بيرفع برضو صوره الخدمه ويجيلى مرفوض ايه الحل؟؟ ينفع الغيها؟؟" وقالت منة احمد :"انا لسه بعمل شهاده المعلم المصري هل  هيتم اعطاءنا فرصة ثلاث شهور للانتهاء منها في حاله القبول ويتم التقديم في المرحله الثالثه بالافادة؟"وقال صالح عزت :"انا نسيت أضيف شهادهicdlممكتن تضاف بعد المراجعة ولالا".

وكشف بعض المدرسين عن مشكلة عدم استطاعتهم فتح الموقع والتقديم من خارج مصر قال مصطفى صالح : ياريت يفتحوا الموقع للناس اللي خارج مصر احنا مش هنقدم لسبب بسيط وواضح الاوراق  المطلوبه متطلعش غير من مصر احنا بنقدم لاخواتنا وزوجاتنا ومتابعين على الموقع ثم كده غير قانونى انكم تمنعوا المغتربين من انهم يتفاعلوا مع ابناء الوطن احنا مصريين مش جايين من بلاد تانيه".  واضاف محمود محمد : الموقع للاسف مش هيفتح بره مصر انا تواصلت مع الوزارة وقالوا ان الموقع غير متاح بره مصر ( غالبا دا بيكون للحفاظ على البيانات الموجودة على الموقع حتى لا يتم اختراقه  من الخارج لمن أراد ان يخترق وعلى فكره بعض الدول العربيه بتعمل الموضوع دا زى السعوديه مثلا المواقع اللى عليها بيانات ومعلومات عن المواطنين لا تفتح خارج الدوله ).


 

 

إقرأ أيضاً

تايم سبورت تعلن اذاعتها لمباراة الاهلى والهلال السودانى

وفاة الشيخ محمد حسان تتصدر

كواليس رجوع حمدي النقاز للزمالك وقيمة التعاقد

احمد سعد : لن اسمح بحبس سمية الخشاب .. فيديو

تردد القنوات المفتوحة الناقلة لمباراة الاهلى والهلال السودانى

بث مباشر

بث مباشر مباراة الاهلي والهلال السوداني بث مباشر اليوم الجمعة






يمكنك مشاركة الخبر علي صفحات التواصل

اترك تعليق