• مصر
  • Loading...

رئيس مجلس الإدارة
إياد أبو الحجاج
رئيس التحرير
عبد النبى الشحات

باختصار 
صوت الشجر زعلان من قلة الإحساس بيتنا اتقلع م الجدر


كلمات: عبد التواب الرفاعي

صوت الشجر زعلان
من قلة الإحساس
بيتنا اتقلع م الجدر
علشان مالهشي أساس
صبح لي ع العاشقين
اللي قلوبهم ماس
و اذكر إله الكون
تبقى ملك للناس
صوت الجوامع دق
بس الخطيب مزكوم
و مين يقول الحق
بكره القيامة تقوم
يقف الجميع في الحشر
و الرك ع الأعمال
تمشي ف طريق الخير
الآخرة تصبح عال
أما الشيطان لو شق
وسط الجميع صدرك
تلقى إله الكون
يفضح جميع سرك
ضم الهوى ف سرك
و اعمل حساب الموت
فرعون دا كان كالجبل
بس الإله هده
و موسى طفل رضيع
أصبح مافيش اده
و الخضر علم رسول
من طيبته من وده
يا اللي انتوا بتهدوا
جبل الحلال صامد
و لا يوم تهزه الريح
إزاي نصوم رمضان
من غير صلاة و تراويح
إزاي نقول صادقين
و لا فينا حد صريح
جفت دموع البشر
علشان كتير ضلوا
و القلب أصبح حجر
عن بعض و اتخلوا
ساد الشيطان جمعهم
قدامه و اتزلوا
مسحراتي المدن
ما عندهوش طبلة
و لو تقول حقنا
تبقى ابن مية هبلة
يقولوا عيل عبيط
عيل غبي و ابله
و حياة إله الكون
ما هينصلح حالنا
غير لما يغنى الفقير
من جزء من مالنا
أكتر عبارة ف لسانا
مالنا يا ناس مالنا
مالنا غلب حالنا
و اتقلبت المواضيع
أصبح شتانا ربيع
في الصيف بينزل مطر
من كتر اهمالنا
فابختصار يا بشر
حاجات كتير دمرت
كل الطيبة ف حالنا

 





يمكنك مشاركة الخبر علي صفحات التواصل

اترك تعليق