المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

الهياتم 

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

شعر: القروى الساخر  عبدالهادى الشعراوى

التاريخ شاهد عيان
ع الهياتم من زمان
إسمها فى الكون معلم
أرضها أمن و أمان
والتاريخ شاهد عيان
.... 
الهياتم أرض طيبة
البعيدة عن اى عيبة
غالية علينا وحبيبة
وإسالوا عنها الزمان
والتاريخ شاهد عيان
...
عيلة واحدة وصف واحد
مسلمين و الرب واحد
القلوب ما فى حد جاحد 
كلهم عُشاق سلام
والتاريخ شاهد عيان
.....
دى الهياتم ليها  مجد 
يعلى بيها لأعلى حد
صف واحد دين وفرض
وإسألوا عنها الإمام
والتاريخ شاهد عيان
....
أرضها دى أرض خير
خرجت ياما الكتير
للوطن جند وضمير
اسم مطلوق في العنان
والتاريخ شاهد عيان
....
توبها غالى بالأصالة
فيها أكتر من منارة
اى شارع واللا حارة
تلقى مسجد للإيمان
والتاريخ شاهد عيان
...
توبها طيب زى ناسها
عمرها مابتحنى راسها
غير لرب كون حارسها
ووضعها فى العنان
والتاريخ شاهد عيان
...
كل غصن فيا طالع
في الكنائس و الجوامع
واللى مش عارف يطالع
بالعيون يلقى الكلام
والتاريخ شاهد عيان
...
دا الهياتم جِدر  مادد  
والفروع لفه  المساجد
مهما تبقي ليها هادد 
ليها أمجاد من زمان
والتاريخ شاهد عيان
...
الهياتم مش تجارة 
تبقى ناوى ع الخسارة 
اصلها علم ومنارة
فيها أكتر من إمام 
والتاريخ شاهد عيان
....
دى الهياتم دى الابية
بالعلوم  شابه وعَافِيه 
تكسرك وتكون قويه
ولا يبكيها الزمان
والتاريخ شاهد عيان
....
يا اللى بتقولوا فى جِداها
لفظ واحد مش حِداها 
دا الرحيم صانها وحماها 
نرضى ليها ازاى هوان
والتاريخ شاهد عيان
....
مهما أفضل أقول وأعيد 
حبها جوه   الوريد 
يعلى فوق الشوق يزيد
منها أعظم الر جال
والتاريخ شاهد عيان
....
ياللى رمتوها بإهانه
إسالوا أرض الكنانة
تلتقوا مليون علامة
ع الهياتم والمكان
والتاريخ شاهد عيان

إسألوا الأزهر و ناسه
إسألوا الجندي و حماسه
إسألوا الفلاح و فاسه
إسألوا الغيط و العيدان
دا التاريخ شاهد عيان






يمكنك مشاركة الخبر علي صفحات التواصل

اترك تعليق