المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

يوميات مهندس مشاكس

القمصان الجديده
من ذكرياتي في السودان # ١١

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

بقلم: تامر راغب

اول ماروحت السودان قعدت ادور علي محل بيكوي هدوم ، علشان اكوي القمصان الجديدة اللي مراتي اشتريتهالي من مصر قبل ما اسافر

لقيت اخيرا محل جمب البيت اللي سكنت فيه

انا : السلام عليكم
عايزك بقي تضبطلي القمصان دي .

هو : اضبطلك القمصان يعني شنو ؟

انا : تكويها كويس يعني .

هو : ايوااااااا

انا : افوت عليك امته آخدهم ؟

هو : بكره تجيني تاخد قمصانك

انا : تمام

اليوم الثاني :

عديت علي المحل وأنا راجع من الشغل لقيت واحد غير اللي سلمته القمصان اليوم اللي قبله

أنا : سلام عليكم

هو : عليكم السلام

انا : عايز استلم قمصاني

هو : معاك فاتوره يازول

انا : طلعت الفاتوره واديتهاله

وقفت انتظر القمصان المكويه
خمس دقائق
عشره دقائق
ربع ساعه

انا : ايه يا سيدي هو انا حقضي الليله هنا ولا ايه

هو : اصبر يازول بندور علي القمصان

انا : يانهار اسود
بتدور يعني ايه ؟

هو : الصبر يازوول

بعد انقضاء نصف ساعه لقيت اللي سلمته القمصان في اليوم اللي قبله داخل المحل بسرعه وعمال يقلب في كل اللي الهدوم اللي موجوده بالمحل

وأخيرا ....

هو : احنا مش لاقيين القمصان يازوول

انا : زوول ايه بقي هو انتم خليتم فيها زوول

هو : اكيد حد استلمهم بالخطأ

انا : هو مش في فاتوره بتسلموا بيها الهدوم

هو : آييي

انا : لما هو آييي يبقي ازاي حد استلمهم ؟

هو : بعتذر ليك وننتظر يمكن اللي اخدهم بالغلط يرجعهم .

انا : وعلي اللي اخدهم بالغلط مايرجع القمصان دي اروح الشغل انا بالفانله الداخليه واربط عليها الكراڤت

هو : ماعليش يازول اول مره يحصل حاجه زي كده

انا : ماهو انا عارف حظ اللي خلفوني

هو : طيب ممكن تروح تشتري قمصان جديده

انا : وانت حتدفعلي ثمن القمصان الجديده يعني

هو : لا طبعا لكن ليك عرض ما يتفوت

انا : عرض ازاي يعني ؟

هو : تجيب كل ملابسك تكويها هنا واحنا حنعملك خصم نص الثمن علي طول لغايه ما تسيب السودان وترجع بلدك .

انا : هو انت سيبتلي حل تاني موافق طبعا

المشكله بس ابلغ مراتي ازاي ان القمصان اللي هي نزلت اشترتها بنفسها ضاااعت 

وكمان هي قالتلي خد مكوه معاك علشان تكوي القمصان

وقولتلها انا لسه حكوي اكيد في محلات هناك بتكوي

واللي توقعته لقيته قعدت تقطم في اللي خلفوني لما عرفت ان القمصان ضاعت

ياجماعه مراتي لما بتصدق تمسك عليا حاجه بجد مش عارف ليه
انا تعبت

اسعد الله اوقاتكم
ودمتم بخير






يمكنك مشاركة الخبر علي صفحات التواصل

اترك تعليق