هاي سليب
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

الشرنوبي .. يفسخ خطبته من سارة الطباخ معلقاً " أكبر مني بـ 15 سنة "
عبر موقع التواصل الإجتماعى " فيسبوك " صرح الفنان محمد الشرنوبى لأول مره عن تفاصيل تخص حياته الشخصية قائلا:


عبر  موقع التواصل الإجتماعى " فيسبوك " صرح الفنان "محمد الشرنوبى" لأول مره عن تفاصيل تخص حياته الشخصية قائلا:

" عايز ارد على شوية حاجات وعلى أسئلة كتير بتتسئل بقالها فترة مكنتش حابب اتكلم فيها "

- أنا طول عمري بحب شغلي جداً ومبحبش اتكلم في اي حاجه تانية غيره بس بقالي فترة عليا هجوم شخصي غير مبرر وكلام كتير له علاقة بحياتي الشخصية ماحبتش اتكلم فيها غير لما اكون جربت كل الطرق في اني احاول احلها الاول

- في شهر سبتمبر من العام  ٢٠١٧ وبعد مسلسل "لا تطفئ الشمس" وحلقاته مع "صاحبة السعاده" وحفلة الموسيقار الكبير عمر خيرت واغنية "مين فينا" مع النجمة الكبيرة اصالة وبعد ما كنت لسة ماضي مسلسل "كأنه امبارح" وفيلم  "الممر" جالي شغل مع شركة كبيرة عشان انزلّهم بوست على انستجرام عندي واللي كانت ماسكة الحملة دي واحدة اسمها سارة الطباخ وأنه نشأت علاقة صداقه لطيفة وكانت بتقنعني اني احترف الغناء في فترة كنت عاوز اركز في التمثيل أكتر

- سارة كانت إنسانة جميلة وجدعة جداً  والموضوع بعد كدة اتطور من صداقة لعلاقة حب وبقى فيه ما بينا ثقة و احترام بس دي كانت بداية مشاكل قوية جداً حصلتلي في حياتي اهمها عدم رضا ابويا عن العلاقة دي بسبب ان فرق السن بيني وبينها ١٥ سنة وده كان السبب الرئيسي أن ابويا مكانش موجود في فيديو قراية الفاتحة اللي معظم الناس شافته موضحا بالمناسبة الڤيديو دة اتصور يوم ٥ ابريل ٢٠١٨ يعني من سنة و٣ شهور تقريباً وفضل ابويا زعلان مني فترة و ماتصالحناش غير لما حضرلي أول حفلة اعملها في حياتي وده كان السبب في ان لما قدمته عيطت ونزلت من عالمسرح

- وقبل مايبقى فيه خطوبة أو حتى أي شغل مابينا كان عندي اكتر من عرض من شركات إنتاج اغاني كبيرة اني اعمل البوم بس كنت حابب اعمل كل فترة اغنية جنب التمثيل فضلت سارة تقنعني كتير اننا نشتغل مع بعض ونعمل البوم أنا وهي والقرار دة كان مخيف جداً بالنسبة لي لأنه كان معناه اني مش هبقى عارف اتفرغ تماماً للتمثيل وده اللي حصل فعلاً بعد "كأنه امبارح" لكني اقتنعت و ابتدينا نشتغل

- وبعدها فوجئت بيها بتقدملي عقد احتكار مدته ١٠ سنين والشرط الجزائي اللي في العقد ٦٠٠.٠٠٠ دولار  وماليش حق امضاء اي عمل سواء تمثيل او غناء  و للأسف دي غلطتي انا كنت متخيل ان شروط العقد دة الشروط المتعارف عليها و لما خفت و قلقت من الشروط دي شوية كانت سارة بتقنعني ان دي مجرد شكليات وان كل حاجه هتم بالتراضي وقالتلي بالحرف "اي وقت هاتيجي تقولي فيه ان العقد دة مش مريحك هديلك العقد  عمري ما هغصبك على حاجه" و بسبب ثقتي فيها وحبي ليها وافقت على كل ده ووافقت كمان اني امضي العقد ده رغم انه كان معمول بتاريخ قبله بحوالي ١٠ شهور بتاريخ اليوم اللي قابلتها فيه تقريباً ومن بعد ما مضيت العقد و بعد ما قريت الفاتحة اللي وقفت قدام كل الناس فيها لقيت طريقة تعامل مختلفة تماماً وتوتر بدون اسباب بيحصل بيني وبينها

- وفسخت الخطوبة شهر يوليو ٢٠١٨ يعني بعد ٣ شهور بالظبط من قراية الفاتحة وماكناش لسة ساعتها اشتغلنا على الالبوم وقلتلها اني مش حابب اكمل شغل خلينا اصحاب احسن  وكان فيه محاولات معايا من ناس كتير مشتركة ما بيننا عشان يصلحوا الموضوع لاكتر من شهر ووافقت اننا ندي نفسنا فرصه تانية كتجربة عشان كان عندي مشاكل كتير في طريقة التعامل ورجعنا وكانت الحياه كويسة في الأول ورجعنا نشتغل تاني وبعد فتره بدأت المشاكل ترجع تاني وبشكل اسخف واتسببت في مشاكل كبيرة بيني وبين اهلي واصحابي القريبين  وحتى اي حد في الوسط بقى بيتجنبني او بيتجنب التعامل معايا لمجرد ان هي اللي ماسكه شغلي عشان طريقتها مكانتش الذ حاجه خالص 

- وبدأت تحاول تتحكم في كل حياتي وعلاقتي بكل اللي حواليا ولما حاولت امشي تاني ابتدا يبقى فيه استخدام لفكرة العقد بشكل واضح والمشاكل بقت شخصية ومهنية .. ولما مارضتش اكمل في علاقة انا حاسس انها مابقتش مناسبة ليا ولا انا ولا الطرف التاني ابتدا يبقى اساليب تانية للضغط  اخرها كان فيديو الخطوبة اللي نزل واحنا اصلاً مش مع بعض

- ولاني عمري ماكنت حابب ان حياتي الشخصية تبقى مجال للكلام و لان فعلاً الخطوبة دي حصلت في يوم من الايام ولإني عمري ماهجرحها او احرجها، ماعلقتش خالص على وعد منها اننا ننزل بعد فترة ان الخطوبة اتفسخت لان احنا فعلاً دلوقتي مش مخطوبين

- وعدم ردي على الڤيديو في الفتره دي خلاني اكتشف انها عاملة مشاكل مع ناس كتير وبقى عندي معلومات وحاجات ماكنتش حابب اني اعرفها عنها مع ذلك برضه كنت دايماً بسعى اننا نخرج بالمعروف ومن ساعتها بقى فيه شكل اشرس في التعامل ولإن هي بس اللي ليها الحق في الامضاء على العقود وهي مابتردش على اي حد بيطلبني في شغل .فبقى شغلي واقف و حتى فلوسي القديمة مش عارف اخدها منها وفيه حملات غير مبررة وغير منطقية معمولة عليا و فيها تجريح شخصي ليا ولعيلتي ومحاولات لعمل مشاكل بيني وبين الصحفيين اللي عمري ماكان بيني وبينهم مشاكل وبكنلهم كل احترام مع العلم ان من اقوى نقاط القوه عندها الميديا والصحافه والعلاقات العامه بحكم شغلها ومع العلم برضه ان شركتها لسه المفروض بتمثلني وبتدير اعمالى

- انا كنت ملتزم الصمت ومش بتكلم في التفاصيل دي كلها عشان كان بيني وبينها عشره وعيش وملح بس واضح اني كنت غلطان عشان نيتي كانت سليمه شوية زياده والطرف التاني ماحطش اي اعتبار لكل الحاجات دى

- ودي المرة الوحيده اللي هاتكلم فيها عن الموضوع ده ومش ناوي اتكلم فيه تاني ولا على مستوى الصحافه ولا على مستوى السوشيال ميديا والمرة الأولى وبإذن الله الاخيرة اللي اضطر اتكلم فيها عن حاجة ليها علاقة بحياتي الشخصية بس كان لازم اشرحلكوا ايه اللي بيحصل عشان كل التساؤلات اللي بتحصل بقالها فترة






يمكنك مشاركة الخبر علي صفحات التواصل

منتخب كرة اليد والعالمية فرح ديباني وأحمد مجدي ضيوف منى الشاذلي.. الأربعاء

ومطربة الأوبرا العالمية فرح ديباني والفنان الشاب أحمد مجدي ضيوفا على برنامج معكم منى الشاذلي في حلقة خاصة تعرض مساء الأربعاء القادم على فضائية سي بي سي.   ويحكي لاعبو المنتخب برفقة المدير الفني طارق محروس، عن كواليس استعدادهم للبطولة خلال عام ونصف كاملة، ووصف محروس علاقته... المزيد

تعليق مؤثر من آيتن عامر بشأن إصابة بسمة وهبة بالسرطان

وقالت آيتن في تعليقها للاعلامية بسمة وهبة.. "فاكره لما شوفتك سايقة عربيتك وقتها كان شعرك يا دوب منبت ولابسة نظارة كبيرة ومكنتيش مبينة وشك وطلعت اجري وراكي علشان اشوف مين البنت القمر اللي راكبة العربية وحلقت شعرها كده, اتفاجأت بيكي القصة اللي حكيتها دي علشان أى حد يتعرض لسقوط شعره ميتكسفش أو... المزيد

رانيا يوسف تكشف حقيقة إصابتها بأزمة صحية

حيث نشرت صورة جديدة تحتوى على عبارة " هونها يالله " من خلال حسابها الشخصى عبر موقع التغريدات القصيرة " تويتر ", وعلقت عليها قائلة: "عندما نقع في المرض يكون قطار الطبيعة قد خرج عن سكته، بسبب فقدان توازن جسدي أو روحي، والطريق التي تقود إلى الصحة، هي طريق الإعتدال، والروح... المزيد

عمرو دياب يستعد لطرح أغنية "يوم تلات"

وقال "زي ما #عمرو_دياب وعدكم في حفلته، انتظروا اغنيته الجديدة "#يوم_تلات" اللي هتنزل يوم التلات اللي جاي".  الأغنية من ألبومه الجديد "أنا غير" المنتظر طرحه خلال أيام.   وكان قد طرح أغنية "بحبه" قبل عدة أيام، وهي من كلمات: أيمن... المزيد

أحمد عز لـ كريم عبد العزيز: "كل سنة وأنت طيب يا سوبر ستار"

عبر صفحته على موقع تبادل الصور والفيديوهات "انستجرام"  يهنئه بمناسبة عيد ميلاده, وعلق على الصورة قائلاً "كل سنة وأنت طيب يا سوبر ستار".   ويشارك كريم عبد العزيز فى موسم عيد الأضحى بفيلم " الفيل الأزرق 2", مع عدد كبير من النجوم على رأسهم, نيللى... المزيد

اترك تعليق