المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

يوميات مهندس مشاكس

الخطافيه شمال

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

بقلم: تامر راغب

اتنين من اعز اصدقائي
واحد منهم حباه الله بطول القامه وقوه البنيه وقوه اليد 

ايوه والله زي ما بقول كده قوه اليد 

والثاني : طبيعي كده زينا ضعيف البنيه

كل ما نقعد مع بعض في اي مكان واي حته اقول لصاحبي القوي 
بلاش تدايق صاحبنا الضعيف علشان لو زعل منك حيضربك 

يرد القوي بغضب 
مين ده اللي يضربني 
ده انا امسحه من علي الارض 

وصاحبنا الضعيف يقعد يضحك من غير ما يتكلم او يرد .

لغايه ما في يوم راح الضعيف اتهور وراح رادد علي القوي قايله انت اصلا متقدرش تعمل حاجه . 

انا : لا ازاي ده يقدر يفرمك . 

الضعيف : ولا يقدر يعمل حاجه

القوي : جرب كده وحتلاقيني ببهدلك .

انا : ياجماعه انا مبحبش الكلام الكتير 
آدي الجمل وآدي الجمال 
وروني مين فيكم الاقوي علشان اقدر اصدقه 
وعلي فكره انا حبقي الحكم حا احكم بما يرضي الله . 

قاموا الاتنين علي بعض 
والصراحه صاحبي القوي نزل علي الضعيف طحن 

ضرب بايديه الاتنين علي ظهر الضعيف

 والضعيف حبيبي كل اللي بيعمله انه متقوقع علشان يحمي وشه من اي ضربه ممكن تطير عينه او سنانه .

وبما اني الحكم منعت اي حد من اصحابنا انه يتدخل او يفض الاشتباك ده 

وقولتلهم سيبوهم علشان نعرف مين الاقوي من غير كلام كتير 

والكل وقف يتفرج وعمالين يضحكوا  

وطلعت الموبايل علشان اصور ڤيديو وقائع انتصار القوي علي الضعيف

ولكن تأتي الرياح بما لا تشتهي السفن .

القوي وهو نازل في احدي ضربات يده الثقيله علي الضعيف ومن شده الضربه حرك الضعيف ايده الشمال لفوق علشان يقول للقوي خلااااااااص 

تقوم تيجي ايده الشمال في فك القوي واسنانه تقفل علي شفته ، والله لا يوريكم نافوره دم من شفه القوي .

طبعا زي ماقولت لحضراتكم اني كنت الحكم وعاهدت نفسي اني احكم بالعدل 

لما لقيت نافوره الدم دي من القوي 
تدخلت فورا لانهاء هذا النزال الغير متكافئ 

لاعلن ......لأعلن .....لأعلن عن فوز الضعيف علي القوي بالضربه القاضيه 

وكل ده طبعا متصور ڤيديو .

القوي : اتجنن وراح قايلي ازاي يعني فاز 
هو انت اعمي مش شايفني طحنته 

انا : لا طبعا مش شايفك طحنته
اللي انا شايفه انه اداك خطافيه شمال افقدك فيه توازنك وعلي اثرها اتفتحت نافوره الدم دي من شفتك 

واضطريت اوقف هذا النزال الغير متكافئ فورا خوفا علي حياتك 

طبعا كل اللي واقفين ماتوا علي نفسهم من الضحك 

وطلعت اجري علشان صاحبي القوي كان عايز يموتني .

اسبوع واكثر وشفه صاحبي القوي متورمه

وكل ما نقعد في حته اقعد احكيلهم ان ربنا بيوضع سره في اضعف خلقه 

وان الضعيف بهدل القوي والڤيديو موجود 
وشفه القوي خير دليل . 

الي اصدقائي الغاليين 

شايفكم وانتم بتضحكوا

ومردتشي اقول اساميكم في القصه اهو علشان محدش يزعل 

اسعد الله اوقاتكم
ودمتم بخير
 





يمكنك مشاركة الخبر علي صفحات التواصل

اترك تعليق