هيرميس
الجهاز القومى لتنظيم الاتصالات
الجمهورية اونلاين تناقش فكرة الامتحان الورقي لمنازل الثانوية العامة

طرحت الجمهورية اونلاين موضوع دراسة  وزارة  التربية والتعليم  ان  يكون  امتحان  طلاب المنازل  والفئات  التي  لم تتسلم التابلت  ورقيا للمناقشة عبر جروب  غرفة عمليات  الحمهورية اونلاين  بالتلجرام  ..




الطلاب واولياء  الامور  والمدرسون خائفون  من ضياع   تكافؤ  الفرص  


حيث سألنا :
هل التفكير  في  امتحان  ورقي  للمنازل   والمرضي بالمستشفيات  والسجون  يتماشي  مع  فكرة  الامتحان  الموحد  علي  مستوي  الجمهورية
وهل  تتوقع  ان  يكون  هناك  هجرة  للطلاب  خلال  الفترة  المقبلة الي  نظام  المنازل ..وماذا  تري  او تقترح  لوأد  حيل  الطلاب  في هذا  الشأن خاصة  ان  التنسيق  لن يغرق  بين  طالب  حصل  علي  الثانوية  منازل  او  انتظام ؟!


قال  محمد  وحيد
انا ضد التفرقه لوالكترونى الكترونى للجميع او ورقى للجميع

بينما  اكدت  هنا: ممكن يكون في امتحان مختلف  متساوي في المستوى مع طلبة الانتظام وتنسيق منفصل ويضم معهم الطلبة المؤجلين من السنة اللي فاتت وخاصة ان منهم طلبة حاصلين على مجموع اكتر من ٩٠٪؜ ومأجلين مادة ومادتين يبقى ازاي يتساوى في التنسيق ؟!!
مع العلم انها مش اول سنة يكون في تنسيق منفصل سبق قبل كدة وكان في ٢ تنسيق للثانوية العام، واستطردت   وإن كنت ارجو ان الامتحان يكون على الكل إما ورقي او إلكتروني

قالت  رنا علام
لدي  اقتراح  لو نفذ  سيكون   مفيدا  من متخصصين للمواد بالنسبه لطلاب ثانوي عموما اولي و تانيه ثانوي كتمهيد لثانويه عامه بالاضافه طبعا لثانويه عامه يكون في امتحانات الكترونيه بصفه دوريه من متخصصي المواد لقياس مستوي الطلاب و الغرض الاساسي لقياس نقاط الضعف والقوه لكل طالب و يكون في اسئله متنوعه من السهل للمعقد و بطرق تعتمد علي التفكير وتقليل الوقت بشكل تدريجي
حتي يتم تدريب الطلاب علي التفكير والحل في اقل وقت ممكن و ده بيتعمل في دول متقدمه تعليميا وبيتم تناول الافكار في مؤامرات اونلاين

وهنا  تدخلت  سمر  سعيد  لتؤكد ان  المقترح جميل لكن خلينا واقعين مين هيساعد نعمل كده . المدرسين معظمهم رافضين الموضوع اصلا وهم سبب تشتت الاولاد وبقول معظمهم عشان محدش يقول لا الا من رحم ربى وردت  رنا  مرة اخري المدرسين اللي رافضين هم اللي عايزين نفس النمط القديم السناتر والاعداد اللي  بالمئات و الملزمه واحفظ و توقعات ليلة الامتحان لكن في كثير أظن ممكن ينفذ فكره زي دي مثل مثلا القائمين علي البرامج التليفزيونيه و فيديوهات اليوتيوب و متخصصين ممكن تعينهم الوزاره او حتي اكاديميات اونلاين كنوع من مساعده الطلاب

قال  عمرو  جاويش : إما الكل تابلت أو الكل ورقي ، غير ذلك سيشكل خطرا  كبيرا على سرية الامتحان و عدم تسريبه
اما محمد  سعيد  فقال انا بعتقد انه هذا العام هيكون الامتحان ورقي لجميع الطلبة وبالنظام الحديث اوبن بوك ودا يوفر وقت كبير وهتجنبنا مشاكل كتير وتخوفات وأيضا هيسهل وهيحل مشاكل التنسيق لأنه فعلا حضرتك تطرقت لنقطة هامة نقطه التحويل للمنازل لو هتعفي الطالب من الامتحان الإلكتروني ودي نقطه مش سهله لو اتفتح ليها باب.


بينما  قالت  مي يحي  كدا هيكون مفيش مساوة ولا عدل ارفض بشده الكل أما ورقي أو تابلت لان كدا هيحدث تفرقه


قالت  روان  علي استاذى العزيز لابد من امتحان موحد للوجود مبدأ تكأفؤ الفرص واما غير ذلك يعتبر مضيعة للوقت  والامتحان الورقي يحقق ذلك ووجوده إثبات لصحة أو خطأ اجابة الطالب.


اكد  حازم  هداية: ممكن نمتحن الكل ورقي هذا العام ، والعام القادم يتم توفير أجهزة لكل الفئات ، بحيث يكون متاح تكافؤ الفرص للجميع ، على أن تتم الامتحانات موحدة

ناصر شعبان مدير عام  جنوب الجيزة التعليمية   لو الكل يمتحن بابل شيت والتصحيح الكتروني بنظام الأسئلة الجديد يكون افضل لأن التطوير في شكل ونظام الاسئلة التي تعتمد على التفكير وإمعان العقل وهذا ما يغيب عن عقول الناس وليس التطوير موضوع تابلت فقط

وتري  شيماء  علي  ماهر  ان هذا  الامر لا مالوش علاقة مش شرط علشان يكون ورقي يبقى سهل احنا خايفين من مشاكل الالكتروني فقط لكن المشكلة في نظام الاسئلة ودا مفيش فرق بين الالكتروني و الورقي ومحدش هيحول لا

وعلقت عبير عفيفي دي سنه فارقه لكل طالب ولازم يكون في مبدأ تكافؤ الفرص بينهم اما ورقي للكل او إلكتروني للكل مش هينفع امتحانين لان التنسيق واحد

اكد  الصحفي زكي  السعدني  أن القانون ينص على إجراء امتحان موحد لطلاب الثانوية العامه سواء كانت ورقيه أو الكترونيه ولن تستطيع الوزاره وضع نوعين من الامتحانات لأن ذلك يضرب مبدأ تكافؤ الفرص في مقتل ولا يحقق العداله بين الطلاب وأرى أن الاختلاف سيكون في الامتحانات الورقيه واستخدام التابلت وهذا لا يخل بالامتحان الموحد


تقترح عايدة  الروبي  مدرسة ان بتم توفير تابلت لكل طالب منازل وفت الامتحان في كل مدرسه ويتم تسليمه للمدرسه بعد كل امتحان
على ان يتم من العام القادم توزيع تابلت للجميع العام والمنازل ..وبكدا مش نحتاج عمل امتحان ورقي واخر الكتروني والذي بدوره سيحدث عملية ارباك بين الجميع لتشتتيت المهام سواء الملاحظه داخل اللجان او لمن يصححون الورقي


اضافت  عايده الروبي معلم خبير رياضيات واحصاء ثانويه عامه: مع العلم ان جميع الطلبه بلا استثناء ماهرين في استخدام التابلت والتكنولوجيا وبناء عليه  سبتم توفير طباعة ورق المنازل ..وكذلك الجهد الذي تبذله الكنترولات في الامتحانات الورقيه ولا ننسى ان امامنا فرصتين تجريبي ممكن المنازل يمتحنوهم على تابلت مع العلم انه يوجد فائض من التابلت في كل اداره





يمكنك مشاركة الخبر علي صفحات التواصل

اترك تعليق