المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

الدكتور سميح بدير :

الاسبوع الثالث..اهم اسبوع لمصر فى ازمة كورونا
يقول الدكتور سميح بدير استاذ التغذية العلاجية -كل الدول التى سبقتنا بانتشار فيروس كورونا انفجر فى الاسبوع الثالث و خرج عن السيطرة فى الاسبوع الرابع

إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

 

- لذلك الاسبوع الثالث بتاعنا هو الاختبار الحقيقى سوف يحصل سيناريو واحد من اثنين 

 

- السيناريو الاول : 

 

الناس هاتستمر فى الاستهانة بالموضوع وهايستمروا فى اقناع أنفسهم بأن الموضوع بعيد وعند الناس الاخرين و هايستمروا فى الاهمال والتعامل مع الموضوع على انه حرب اعصاب ومؤمرات وانهم انصح من غيرهم

 

 هذاالسيناريو  هايكون معناه ان الذى  سوف يصاب سوف يعدى كل بيته و جيرانه واصحابه وحتى من اخد احتياطاته هاتبقى معركته اصعب 

وحمايته اصعب 

 

-  نفس السيناريو حصل فى ايطاليا الناس أخدت الاجازات ونزلت المولات وعملوا تجمعات

 

- فى لحظه واحده (حصل من اسبوع ) البلد بتصحى على آلاف المختنقين والتهاب رئوى حاد والفيروس بيدمر الحويصلات الهوائية الآلاف يتدفقون على المستشفيات

 

- فى مركز الانفجار بشمال إيطاليا كل المستشفيات امتلأت كل ما يمكن تحويله لمستشفى امتلأ ثم بدأوا يعملوا مستشفيات ميدانية فى خيام

 

- كل غرف العناية المركزة امتلأت وكل أجهزة التنفس الصناعى ثم كل أقنعة الاوكسجين

 

- ثم أتت لحظة قرارات اختيار الحياة كالحروب تماماً 

 

- بشكل ميدانى تم تطوير بروتوكول ان كل من عمره فوق ٦٥ سنة وكل اللى تحت ٦٥ سنة وعنده حالة مرضية مصاحبة يسيبوه يختنق حتى الموت

 

- أطباء يبكون وهم يبلغون المرضى أنه لا يتوافر حتى قناع اوكسجين والناس بتموت على أبواب المستشفيات

 

- نسب الوفاة ترتفع يومياً لذلك ايطاليا سجلت النسبة الاعلى عالميا

 

- السيناريو الثانى: 

 

ان الناس تفهم خطورة الموقف و اللى عارف يقول للى مش عارف  واللى فاهم يقول للبسيط وكل واحد يسيطر على اسرته وعياله و اللى عنده سلطة ينفذها ويجبر الناس اللى يقدر عليهم انهم يلتزموا 

 

- السناريو ده هو سيناريو الوعى 

ده نفس السيناريو اللى اطبق فى الصين ونفس السيناريو اللى خلى مقاطعة ووهان اللى كانت هى المنبع انها تحتفل من يومين انها خالية من الفيروس(منهم لله)

 

- كمان كوريا الجنوبية سيطرت بدرجه مزهله 

الموضوع حسبته بسيطة 

 

 - الفيروس مدة حضانته ١٤ يوم لو سيطرنا على أنفسنا كمجتمع ٣ اسابيع الأزمة هتخلص إن شاء الله على خير 

 

- لان لو كله التزم المصابين هيبقوا محدودين و يبقى سهل يلاقوا رعاية و يخفوا واللى بيحافظ على نفسه تبقى مهمته اسهل عشان كل اللى حواليه فاهم و بيتعاون 

 

- دورك دلوقتى انك تختار السيناريو المناسب ليك لو ليك أى سلطة أو صوتك مسموع وصل صوتك وعرف اللى حواليك ان المعركة عايزة كل شخص 

 

- لو انت يوتيوبر أو ليك متابعين على السوشيال ميديا كلم اللى عندك وعرفهم ان مافيش حاجة اسمها ناس اه وناس لا فى المعركة دى 

 

- لو عندك حد لسه مقتنع ان الموضوع مؤامرة او انه بعيد عننا فهمه ان الكلام ده مش حقيقى 

وان موقفه السلبى ده ممكن يتسبب فى عدوى لاولاده أو بيته او زملائه فى الشغل 

 

- احنا دلوقتى فى نفس الاختبار اللى اتحطت فيه كل الدول اللى قبلنا 

- مع انه هو نفس الفيروس لكن كل دولة حصل فيها حدوتة مختلفة على حسب رد فعل شعبها  وهل فهموا ووقفوا مع بعض و قاوموا الجهل و قاوموا الاهمال ولا لأ

 

- خليكم فاكرين 

فى دولة احتفلت بانتهاء الفيروس من مجموعة من مقاطعاتها (محافظاتها) وفى دولة قالت لشعبها ودعوا من تحبون فالنهاية قادمة

 

 






يمكنك مشاركة الخبر علي صفحات التواصل

اترك تعليق