المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

كراكيب أميرة

إسكتشات

بقلم أميرة الزيات


إقرأ أيضاً

التعليم: امتحان ورقى بجميع المواد بديل البحث لطلاب النقل قبل بدء الدراسة
التموين تعديل مواعيد عمل المخابز في رمضان
حسن راتب يتقدم بالشكر لـ محمد الباز بعد إعلان رحيله عن ٩٠ دقيقة
ابنة عمرو دياب تثير الجدل من جديد مع صديقاتها
طارق شوقى يوجه رسالة الى جميع طلاب مصر فى الداخل والخارج
اسرار القبض على الدكتور تشارلز ليبر من قبل السلطات الامريكية

•    متولى، يامتولى، أنت ياراجل
-    إيه ياولية؟! حرام عليكى، عاوزة إيه؟ بتصحينى ليه؟ إوعى إيدك كدا كفاية زغد خلعتى كتفى
•    عاوزة... عاوزة...
-    ماتتلمى ياولية، هو إيه اللى عاوزة دا؟!
•    بلا نيلة هاعوز إيه ياحسرة؟!
-    أنى عايزة... عايزة... ماتنطقى مالك بتقطعى ليه بنزينك خلص؟!
•    عاوزة نوبيل يا متولى
-    نوبيل؟! نوبيل إيه يافكيهة؟ ليه وهو اللى معاكى كان اشتكى؟! إوعى ياولية تكونى ضيعتيه ولا شكلك كدا أكلتيه يافكيهة؟!
•    ضيعته إيه واكلته إيه بس يامتولى؟! 
-    أمال فيه إيه فى ليلتك الغبرة دى؟!
•    عاوزة نوبيل أبو تلات كاميرات، وعوزاه كمان لونه بينك..
-    بينك؟! بينك يافكيهة؟! والله أخلاقك باظت.. وهتعملى إيه ياولية بالتلات كاميرات؟!
•    هتصور بيهم أنا والجاموسة اللى حدانا، وابعتلك صورنا بالواتس وانت فى الغيط علشان مانوحشكش..
-    صور إيه ياولية؟! هى ناقصة رعب؟! وتلات كاميرات إيه ماهو لو بالحجم انتى مايكفكيش عشر كاميرات علشان تصورك؟!! وبعدين سيبى الجاموسة فى حالها؛ انتى فاكرة آخر مرة دخلتى عليها الزريبة علشان تجيبى شوية لبن افتكرتك عاوزة تاكليها وهاجت دى المسكينة كانت عوشر وسبحان الله قطعت الخلف.. شكلك كدا أكلتى العجل وهو فى بطنها؟!
•    لا والله يامتولى، أكلت إيه بس ياخويا؟! بس اشمعنا حميدة مرات حسونة ماهو جابلها نوبيل جديد وطول النهار واقفة فى الشباك تكلمه؟!
-    حميدة؟ أخخخخ ياحميدة...  حميدة دى الخطوط والنوبيلات كلها تحت رجليها أخخخخ..
•    متولى فيه إيه؟ ماتتلم ياراجل!
-    إيه يا فكيهة مالك انتى بتزومى وصوتك اتغير كدا ليه؟! ماتستهدى بالله. بقولك إيه يا فكيهة اتخمدى ونامى ورينى كدا النوبيل اللى معاكى..
•    أهو يامتولى.. خلاص هتغيرهولى ياحبيبى؟!
-    اتخمدى ياولية وفكرينى بكرة أبيع النوبيل واخد الجاموسة معايا الغيط.. أهو علشان ماتوحشنيش.. قال تلات كاميرات قال؟!! دا انا أطلجك واتجوز أم حميدة أرخص ياولية
•    بقى كدا؟! طب اتأخر بجى..
-    ههههه وجعتينى ياوليه.. يخرب بيتك
•    ابجى خلى أم حميدة تشيلك، ونام ع الأرض يامتولى
-    أم حميدة؟! أخخخخخ
•    نام، نام ياراجل
-    نمت أهو.. خخخخخ... 






يمكنك مشاركة الخبر علي صفحات التواصل

اترك تعليق