• مصر
  • Loading...

رئيس مجلس الإدارة
إياد أبو الحجاج
رئيس التحرير
عبد النبى الشحات

أول تعليق من طليقة الفنان احمد عبد الله بعد حبسه
علقت الفنانة سارة نخلة على حكم حبس طليقها الفنان أحمد عبد الله محمود عامين لإدانته بخيانة الأمانة، في الدعوى المقامة ضده.


وكتبت سارة نخلة عبر حسابها الشخصي بموقع التواصل الاجتماعي انستجرام :" اليوم المحكمة حكمت لي الحمد لله وكسبت القضية بالرغم من انه جايب ناس تشهد زور وهم ولا شافوا ولا سمعوا حاجة بس ربنا شايف وعارف واظهر الحق وفلوسي هترجعلي بالقانون وبحكم محكمة".

واضافت سارة :" انها لم تكن ترغب في اللجوء للقضاء وأن الطرف الأخر هو السبب في ذلك لأنه لا يريد الطلاق ويماطل بحسب وصفها، وان الكثيرين تدخلوا لحل النزاع بينهما ولكن دون جدوى".

وتابعت سارة : "أنا استحملت كتير كتير، وناس كتير شاهدة وطول الوقت بقول مش عايزة محاكم ومش عايزة الموضوع يكبر، ولكن الطرف التاني هو المسؤول عن كل دا، و الراجل هو المسؤول في الآخر، وعود كاذبة وتأجيل ومماطلة، النهايات أخلاق، وأنا اتمرمطت وغلبت سنة كاملة على ذمة راجل لا عايز يطلقني ولا عايز يرحمني، وكل شوية يعملي قضية جديدة هو ومامته".

واستكملت : "ناس كتير تدخلت وأنا كبرت للناس كلها وسايرت كتير، وناس كتير عارفين سارة صبرت قد ايه سنة كاملة رايحة جاية وبقول حسبنا الله ونعم الوكيل، بقول الكلمتين دول عشان محدش يحاول يقولي يا سارة ليه كدا، ويا سارة خلينا نحل الموضوع بشكل ودي، أنا غلبت يا جماعة، سنة كاملة ولا يصح إلا الصحيح في الآخر، ما تتكسفيش تطالبي بحقك عشان اللي كلوا حقك عمرهم ما اتكسفو وهم بيبلعوه".

واختتمت :" البلد دي فيها قانون وفيها رجالة تهد جبال ولا يرضوا أن ست تتظلم رجالة بصحيح وقفوا معايا في أزمتي، شكرا للقضاء المصري العادل النزيه الشريف، وشكرا لرب العالمين، وشكرا لأهلي اللي استحملوني واستحملوا وجع الدماغ".





يمكنك مشاركة الخبر علي صفحات التواصل

اترك تعليق