أخبار التعليم
المؤسسة المالية والاستثمارية الرائدة في الاسواق الناشئة والمبتدئة
  • مصر
  • Loading...

رئيس مجلس الإدارة
سـعــــد سـليــــم
رئيس التحرير
عبد النبى الشحات

اعترافات نسائية علي الفيس بوك.. الجواز غير فيكي ايه ..اجابات صادمة
كل فتاة تحلم باليوم الذى ترتدى فيه الفستان الابيض ليتوج حلمها بـ"العريس" الذى تتمناه او الذى يحقق لها امنياتها. وبعد الزواج ومع بداية حياة جديدة لا شك ان الكثير من الامور تتغير وعلى الطرفين التكيف مع هذه التغيرات للحفاظ على السعادة الزوجية.

إقرأ أيضاً

رئيس الزمالك يوجه رسالة نارية لبعثة الترجى
فايلر يستقر على بديل احمد فتحى فى الأهلى
الصحف السعودية تؤكد: كارتيرون يرحل عن الزمالك من اجل عيون الاهلى
علاء مبارك يعلن موعد عزاء الرئيس الراحل بمسجد المشير
فايلر يستقر على بديل احمد فتحى فى الأهلى
رغدة : روح أحمد زكى غاضبة من الورثة بعد العبث بتراثه الفنى


 ولكن فى كثير من الاحوال يصعب التكيف او يصعب الرضا بالامر الواقع ويرى كل طرف خاصة الزوجة مساوئ الزواج او ضغوطاته واعبائه التى تتحملها. 

وبغض النظر عن سبب طرح سؤال "الجواز غير فيكى ايه" على جروب ستات قادرة على موقع التواصل الاجتماعى فيس بوك.. فالمؤكد ان الاجابات عليه جاءت كاعترافات نسائية او فضفضة فى كلمات مقتضبة. 

فقد حملت عشرات التعليقات اجابات سلبية جدا حول الزواج توضح حالة عدم الرضا التى تحياها هؤلاء النساء والتى اتضحت فى مرارة الكلمات او حتى التعليقات الساخرة التى تعبر ايضا عن الضيق ونعرض منها البعض:

- كبرت بدري وشلت هم أكبر من سني بقيت بشيل مسؤلية كل حاجه حواليا واشيل همها حتى لو مش انا اللي المفروض افكر فيها 

- انطفت ضحكتي من قلبي بقيت بضحك صورة من كتر الهم
والحمل تقل عليا اوي

- مقاس اللبس من ميديوم لـ اكس اكس اكس لارج

- خلاني مجنووونه

- احنا دخلنا جوة القدرة ومش عارفين نطلع منها ......انا مش عارفنى انا توهت منى انا مش انا

- الطيبه والهبل

- خلاني شلت الهم اكتر ما كنت شيلاه وانا بنت 

- كل حاجه حلوه اتغيرت

- جابلى اكتئاب وحزن شديد جدا وبقيت اتعس خلق الله وحتى لما بضحك وشى بيوجعنى مبقاش لايق عليا الفرح أصلا

- مبقتش افرح خالص الاحساس ده مات عندى

- الزواج حولني من انثي الي امرأة متشردة

- خلانى اتعس واحده فى الدنيا

- بقيت شخص ثاني كل اللي بفكر فيه هاعمل اكل ايه بكره و اروق الشقه و هنشر الغسيل واخد بالي من العيال 

- كنت هادية هلا صوتي لاخر الشارع

- دمرني

- كل حاجه خلاني نضجت وعرفت يعني اي تعيشي راجل ف مجتمع مفيهوش راجل يشيل عنك

- علمنى انى لو ربنا رزقنى ببنت استحاله اجوزها فى بيت عيله

- مبقتش عارفه نفسى انا مين

- برود اعصابي

- زاد الهم والغم وقلة الراحة وكمان انت الراجل والست في نفس الوقت. الحمد لله رب العالمين على كل حال

- شخصيتى

- بقيت واحده تانيه خالص

- كل حاجة سيئة ماكنتش موجودة فيا بئت فيا

- كل حاجة وكل حاجة بقت زفت حسبي الله ونعم الوكيل

- موت قلبي

- دمر حياتي بالكامل يارب يخلصني منة يارب

- خلاني كئيبه

- الجواز غيرني كلينا واسميا وحرفيا وجزئيا وشكلينا ونفسيا  وموضوعيا واخيرا وليس اخرا غيرني ودمرني جسمانيا

- شلت الهم .. و الارف

- نفسيتي تعبت وكرهت الجواز

- غير كل حاجه حلوه فى حياتى

- نفسيتي باظت وادمرت

- صحتى راحت وبقيت مبهدله  واحدة تانية معرفهاش وبقالى عشر سنين بدور على نفسى ومش لقيانى

- كتيرررررررررر خلانى عجوزة جدااا

- كل حاجه للاسوأ

- حولني من انسانه طبيعية لطيفة لغولة متوحشة

- كسر قلبي حطمني للاسف

- غير  كتيييير انا الضحكه كانت 24 ساعه علي وشي دلوقتي بضحك في الاعياد والمناسبات بس وطبعا علمني العصبيه واللسان الطويل

- كل شيء انا مش انا

- اتغيرت في كل حاجه بقيت عصبيه ولسانى طويل مع اللي بيضيقني وخلقى ضيق اوى وصحتى فى النازل

- كل حاجه حتي مرارتي اللي كانت واسعه بقت محندقه

- خلانى  مجنونه هههههههه

- حياتي كلها اتغيرت 180 درجه

- كل حاجه صوتتي وزني لبسي وبقيت مجنونه

- من بنوته فرفوشه وبتحب الضحك والهزار لواحده عجوزه مكتئبه عندها 70 سنه ومستنيه الموت في اي لحظه 

- زااااادت عصبيتي 

- انوثتى وشكلى وصبرى ووزنى

- غير فيا كل حاجه حلوه وبريئه

- شخصيتي بقيت لا تطاق وقلبي بقا اسود جدا جدا

- شخصيتي بقيت شريره جدا وقويه بعد ما كنت طيبه وهبله







يمكنك مشاركة الخبر علي صفحات التواصل

اترك تعليق